VOV4.K’ho - Ngai òr (26/03), tàm ƀòn dờng Buôn Ma Thuột, UBND càr Dak Lak bơyai lơh pơrjum cri bơyai “Tam gơl sồ-Broă lơh pal geh bơh broă tơnguh bơtàu”, mờ broă tus bal bơh mờr 500 nă kuang bàng tus bơh ală bộ, gah lơh broă dà lơgar mờ ală càr tàm tiah tàm gùl lơgar mờ Tây Nguyên, kuang đơng lam ală anih lơh broă tàm càr mờ geh gal mpồl lơh sa kă bro, hợp tác xã... tàm càr mờ bơdìh càr Dak Lak.

 Ồng Nguyễn Huy Dũng, Thứ trưởng Bộ Thông tin mờ truyền thông geh jơnau đơs tàm pơrjum

Pơrjum cri bơyai geh 1 dơ̆ pơrjum bal mờ 2 dơ̆ pơrjum jăt tơngu me, gùt dar ală tơngu me: Tam gơl sồ ai gơnoar atbồ; Tam gơl sồ ai Mpồl lơh sa kă bro mờ broă tam gơl broă lơh bal mpồl bơtiàn tàm bơta sồ.

Đơs tàm dơ̆ đơng lam pơrjum, ồng Nguyễn Huy Dũng, Thứ trưởng Bộ Thông tin mờ truyền thông đơs loh tus mờ ală bơta kuơ mờ công nghệ số ai geh gơwèt mờ broă tơnguh bơtàu lơh sa mpồl bơtiàn, tàm hơ̆ uă ngan là tàm tơngai kòp gơtờp covid-19 gơbàn kal ke pa do. Ồng đơs là, kờñ tam gơl sồ geh cồng nha bơdìh mờ broă lơh ngan bơh kuang đơng lam pal geh broă tus bal bơh mpồl bơtiàn mpồl lơh sa.

Cau mblàng Ndong Brawl