VOV4.K’ho - Sở Giáo dục mờ Đào tạo càr Dak Lak geh crơng gơs ală mpồl kuang bàng sền gròi tàm ală hìu bơsram, ơdu\ bơto bè broă lơh jăt kơrnoăt tă, bơcri priă bồ nam bơsram, kờ` sền bè bơta sơgràm tă, bơcri priă.

Sở Giáo dục mờ Đào tạo càr Dak Lak neh pơyoa jơnau sồr tus ală hìu bơsram công lập pal lơh jăt nền nòn broă tă, bơcri priă di jăt mờ kơrnoăt neh ai. Ba` lời gơbàn sơgràm broă lơh gùt mpồl bơtiàn tus bal kờ` bơyai tă ală khà priă geh nùs nhơm lơh ndrờm bal, rồn bơklơn.

Gơwèt mờ ală khà priă tă neh ring bal drơng broă kơnòm bơsram in pal geh lơh loh làng, lơh tòm, ring niam, jăt nùs nhơm lơh is. Lơh jăk broă pơgồp bal bơh hìu bơsram mờ mpồl ala măt cau mè, cau bèp kơnòm bơsram tàm broă atbồ, ngui priă lơh broă, geh broă dong kờl ờ tă, tơmù priă tă gơwèt mờ kơnòm bơsram kal ke.

Sở Giáo dục mờ Đào tạo càr Dak Lak đơs tòm, geh sền gròi nền nòn broă tă, bơcri priă bơh ală hìu bơsram tàm càr do, lơh glài nền nòn ală cau lơi tìs.

Cau mblàng Ndong Brawl