VOV4.K’ho – Dơ\ pơr lòng coh plai dờng ngan rlau jơh dunia FIFA World Cup neh sơn đờm geh lơh rlau 1 poh tàm lơgar Nga. Do là tu\ gơlik geh uă ngan bơta nhơl [ài jat broă lơh tam kă tàm internet, lơh aniai tus ngap lơngai ờ do ờ dă mpồl bơtiàn. Bơh hơ\, geh uă bơta cau tìs bè tung kơ`au phan bơna, ai càn priă sa priă cồng uă, dong gàr, pơr lồm… Nàng rơcang sơndră mờ kơryan bơta do, Kuang àng Daklak neh đơng lam kuang àng ală kơnhoàl, thị xã, [òn dờng mờ ală mpồl lơh broă mờng chài sơlơ lơh pràn ală broă lơh kơryan cau tìs, mblàng yal tus ală rơnàng làng bol tơnguh jơnau git wă rơcang sơndră bơta cau tìs do:

Tàm ngai 15/6 pa do, mìng dùl ngai tơ nơ\ FIFA World Cup geh lơh, Phòng Cảnh sát lùp khàu bè ờ do ờ dă mpồl bơtìan Kuang àng càr Daklak neh jun sră nggal Viện Kiểm sát nhân dân càr Daklak yă 6 nă cau tàm xã Quảng Phú, kơnhoàl Cư Mgar tàm mpồl cau tam kă coh plai tàm internet mờ priă tam kă gơguh tus rlau 30 tơmàn. Tềng đap anih lùp khàu, cau atbồ mpồl tam kă do là Đinh Ngọc Linh, 30 sơnam, ơm tàm thị trấn Ea Pôk, kơnhoàl Cư Mgar yal, sền go\ bơta kuơ dờng ngan bơh broă tam kă coh plai den tàng bu\lah git là lơh tìs adat boh lam mơya kung gam bơyai lơh tam kă nàng geh priă ờ dipal:

“A` ai ală mat sơnđan tàm internet bơh ală cau lơh tờm mpồl tam kă tàm [òn dờng Hồ Chí Minh dê nàng jàu ală cau tam kă tàm kơnhoàl in nhơl, tàm mai\ tính neh geh tài khoản den tàng [uơn ngan nhơl. Cau tàm kơnhoàl git den kờ` tus nàng nhơl, geh ngai nhơl tam kă tus git nđờ rhiang tơlak priă. Cau tam kă sơlơ ờ jai uă den cau lơh tờm pà wơl khi in priă cồng uă.”

Pơr lòng coh plai dunia FIFA World Cup geh bơyai lơh 4 nam dùl dơ\, nam do dơ\ pơr lòng geh bơyai lơh tàm lơgar Nga, geh tu\ jiơ pơr lòng mờr ndrờm bè ală lơgar châu Á, tàm hơ\ geh Việt Nam, den tàng khà cau sền gal ngan. Bal mờ hơ\, bơta tam kă coh plai tìs mờ adat boh lam kung gơguh uă mờ gơlik geh kal ke.

Jat ồng Nguyễn Thanh Chín, atbồ tổ dân phố 10, sơnah [òn Tân Thành, [òn dờng Buôn Ma Thuột, bơdĩh mờ broă sơlơ rơcang sơndră cau tìs tam kă coh plai bơh anih lơh broă geh gơnoar dê den tơl hìu bơnhă, anih lơh broă, mpồl lơh broă kung pal bơto bơtê, sền gròi oh kòn he dê nền nòn rlau tàm tơngai geh lơh pơr lòng. Ồng Chín geh broă lơh bè do:

“Tàm nhai coh plai, bol he ai ală sau in sền coh plai tàm hìu, lơh gơs bơta chờ hờp tàm hìu bơnhă, ba` ai ală sau tàm tơr gùm sền tàm ală hìu tac dà kơphe, hìu kă bro internet coh plai, tài tàm do geh uă cau tàm pơn jồ jà tam kă. Broă tam kă ờ jai digơlan lơh ală sau ờ geh priă, bơh hơ\ lơh gơbàn bơta tung kơ`a, càn priă sa priă cồng uă. Bal mờ hơ\, ală mè bèp kung pal sền mai\ tính is, điện thoại at tê oh kòn he dê nàng sền gròi, dilah git go\ den pal bơ to tơnkah mơ, dilah kờ` den pơgồp bal mờ anih lơh broă gah adat boh lam nàng geh broă kơryan di tu\.”

Jat sền bơh uă nam ai go\, tàm tơngai geh lơh World Cup, ală cau ală mat ală cau lơh tờm tàm lơgar mờ lơgar ndai geh jòi gùng nàng tàm tơrbo\, lơh pràn broă tam kă bơh tàm internet. Ai ală cau nhơl, nàng kờ` geh priă tam kă den uă cau jòi tơl bơta nàng geh priă, bu\lah lơh tìs adat boh lam nàng geh nhơl.

Ồng Phạm Thanh, cau atbồ dùl hìu at phan nàng pà leng priă tàm gùng Lê Duẩn, sơnah [òn Ea Tam, [òn dờng Buôn Ma Thuột pà git, pah tu\ geh ală dơ\ pơr lòng coh plai dờng dunia dê bè Euro, World Cup den khà cau tus ai phan bơna nàng leng priă gơguh uă pơn drờm mờ ngai ờs tài kờ` geh priă tam kă. Bulah bè hơ\, nàng pleh gơbàn bơta ờ niam kung bè gàr di jơnau pơrgon mờ anih lơh broă geh gơnoar den hìu at phan nàng pà leng priă mìng dờp at ală bơta phan git loh bơh lơi geh. Ồng Phạm Thanh yal:

“Bol a` là ală cau kă bro tàm gah at phan nàng ai leng priă, lài tu\ geh lơh World Cup 2018, ala mat UBND sơnah [òn neh tus lam sồr ba` at phan bơna pin tung kơ`au mờ geh. Dilah geh at den pal at ală phan bơna geh sră pơ àr dipal nàng pleh gơ di at phan bơna tung kơ`au, gơ di dong kờl bol ờ niam in. Bơta do ờ mìng lơh jat jơnau pơrgon mờ anih lơh broă geh gơnoar, mờ gam pleh gơbàn bơta ờ niam bol a` in tai.”

Jat đại tá Nguyễn Văn Bôn, atbồ Phòng kảnh sát lùp khàu bè ờ do ờ dă mpồl bơtìan Kuang àng càr Daklak, tu\ do, broă tam kă coh plai bơh tàm ală pang internet bè M88, 188Bet, Fun88, 12Bet, 166Bet, Bet365… là [uơn ngan. Cau nhơl mìng geh tài khoản halà priă tơm ală cau lơh tờm tàm lơgar Việt Nam in là gơtùi tus bal nhơl tam kă. Tu\ tam kă ờ jai, ală cau nhơl ờ geh priă tơm digơlan lòt tung kơ`au phan bơna halà pơr lồm nàng sơ gràm ai phan bơna. Gơwèt mờ ală cau bơyai lơh nhơl tam kă mờng chài, dilah cau nhơl ờ tơm dồs, den ală cau lơh tờm geh sồr cau tus nàng bơsong halà ơpah ală mpồl lùp dồs ơpah tus…

Đại tá Nguyễn Văn Bôn pà git, nàng dră wơl mờ bơta tam kă coh plai tàm dơ\ pơr lòng World Cup nam do, mpồl kuang àng càr Daklak neh sồr kuang àng ală kơnhoàl, thị xã, [òn dờng mờ phòng lơh broă geh gơnoar mut lơh uă broă lơh mờng chài nàng kơryan. Bal mờ hơ\, mblàng yal tus ală rơnàng làng bol ba` nhơl bài jat bơta do; sồr ală hìu tac dà kơphe coh plai, hìu drơng lơh internet, hìu at phan nàng pà leng priă… ki\ jơnau pơrgon ờ bơyai lơh tam kă coh plai:

“Bol a` pơgồp bal mờ phòng PA28, ală sơnah [òn xã, Ban Tuyên giáo Tỉnh ủy bơyai lơh mblàng yal tus ală rơnàng làng bol ba` nhơl tam kă, nhơl bài tàm tơl bơta tàm dơ\ pơr lòng World Cup. Bol a` kung sồr mpồl lùp khàu công nghệ cao tus [òn lơgar nàng lùp khàu, kờp sền ală mpồl cau, ală bă tiah, ală anih geh tềl tơnggo\ pin geh broă lơh tam kă nàng sền gròi, pleh broă gơlik geh tam kă lơh aniai tus ngap lơngai ờ do ờ dă mpồl bơtiàn.”

                                                                     Cau mblàng K’Duẩn