VOV4.K’ho – Gam tàm tơngai prang duh nam 2018 dê, ală gah lơh broă geh gơnoar bal mờ ală cau tờm brê tàm càr Dak Lak lơh ngan mut lơh uă broă lơh rơcang sơndră ồs sa brê kờ` gàr niam ờ do ờ dă ai rlau 526 rbô lồ brê gam geh tu\ do in:

Rlau 1 nhai do, rlau 50 nă kong nhân bơh Kong ti TNHH MTV Lâm nghiệp Krông Bông, càr Dak Lak sùm geh mat tàm bă brê he atbồ nàng lòt sền mờ wàs khòm jơh nhơt ru\ rơm, nha ro gam wơl tàm ală bă brê.

Ồng Bùi Văn Hưng, kuang atbồ Phòng tam brê bơh Kong ti dê pà git: Nàng rơcang lài tàm broă rơcang sơndră ồs sa brê tàm nhai prang, bơh bồ nhai 12 pa do tơn, kong ti neh lam lơh uă dơ\ pès wàs nhơt ru\ rơm, nha ro, lơh dờng gùng pơng gàr kơryan ồs, crap ơn ală k[àng đơs lài ồs sa brê mờ mblàng yal làng bol in git sền gàr brê. Tàm hơ\, sền gròi tus brê bơh 1 tus 2 sơnam, tài do là bă brê [uơn ngan gơbàn ồs sa. Gơwèt mờ ală  bă brê digơlan gơlik geh ồs sa brê uă, kong ti crơng gơs is ală mpồl rơcang sơndră ồs sa brê, ală kuang atbồ atbồ să tờm tơn lam lơh broă rơcang sơndră, crùh ồs sa brê:

“Ală tiah geh phan [uơn gơbàn ồs sa hơđơm mbur brê halà ală gùng pơng gàr ngòt rơngơt den kuang bàng kong ti là cau lơh tơn broă do. Gơ jat tàm bơta trồ tiah digơlan he lơh tàm àng drim gờ`, trồ mho mang halà trồ mang. Geh ală bă tiah kuơ màng bè ală bă tiah chu ờ gơtùi den bol a` pal lơh tơmù hời rơ hời, tài dilah lời bè ờs tơn den bơta digơlan gơbàn ồs sa là uă ngan, ngòt rơngơt ngan, mờ ală bă tiah bè hơ\ den kung ờ gơtùi git nền là cau geh ơpah khin lơh niam halà ờ, tài khi ngòt pal kong kơnòl.”

Tàm brê dà lơgar Chư Yang Sing, kơnhoàl Krông Bông, càr Daklak, ồng Lộc Xuân Nghĩa, Kuang atbồ brê dà lơgar do pà git: Tiah do gam atbồ, sền gàr 60 rbô lồ brê mờ ù tiah kal ke, gơtìp tam cah is tài bơnơm jơnhua, dà croh jrô den tàng dilah gơlik geh ồs sa brê den kal ke ngan gơtùi sền gròi.

Den tàng, broă lam lơh ală broă lơh rơcang sơndră ồs sa sùm geh sền gròi lài ngan. Nhai prang do, brê neh crơng gơs 12 mpồl rơcang sơndră ồs sa brê, tơl mpồl geh bơh 7 tus 10 nă cau, sùm geh mat tàm bă brê geh jàu nàng tơngkah làng bol lơh jat niam jơnau sồr, jơnau pơrgon rơcang sơndră ồs sa brê. Tàm nhai prang duh dờng, kuang bàng mờ cau lơh broă mpồl dê sùm pal ơm gak ngai mang nàng sơlơ lòt sền, sền gròi ală bơta gơlik geh:

“Lài ngan là lơh gùng pơng gàr kơryan ồs ơnàng 10 thơk, gùng pơng gàr nàng tam cah dềt ală bă brê digơlan gơlik geh ồs sa uă, dilah gơlik geh ồs sa den broă crùh ồs sa kung [uơn rlau. Dơ\ 2, bol a` sùm sồr kuang bàng lòt sền brê pơ gồp bal lòt sền, sền gròi ồs tàm brê, ngan là tàm nhai prang duh dờng pơgap bơh nhai 3 tus gùl nhai 5 tây, hơ\ là tu\ tơngai trồ tiah prang duh ngan rlau jơh, den kuang bàng ơm gak ngai kung bè mang nàng di tu\ git go\, bơsong ală hoàc huơr dilah gơlik geh ồs sa brê.”

Jat ồng Mai Văn Kiện, Phó Kuang atbồ Chi cục Kiểm lâm càr Daklak, tu\ do gùt càr geh rlau 220 rbô lồ brê digơlan gơbàn ồs sa uă ngan, geh mờr ngùl kờp jơh bă brê gam geh. Tàm hơ\, tơr gùm uă ngan tàm ală kơnhoàl M’Drak, Lak, Ea Hleo, Krông Bông, Krông Năng, Ea Kar, Ea Sup… Bơh broă đal git lài ală bă brê [uơn gơtìp ồs sa jat khà, càr Daklak neh tam pà ală mpồl lơh broă lam lơh broă rơcang sơndră, crùh ồs sa brê mờ bơt bơtàu rơndap broă bơsong bơta dilah gơlik geh ồs sa: Băng:

“Tàm do bol a` đal git lài 3 tiah digơlan gơbàn ồs sa uă ngan, jơnau digơlan gơbàn ồs sa uă mờ digơlan gơbàn ồs sa dimơ. Bơh ală bă tiah do, git lài ală rơndap broă rơcang sơndră ồs sa brê, tàm hơ\ sơlơ mblàng yal, bơto bơtê adat boh lam sền gàr brê mờ rơcang sơndră ồs sa brê tàm [òn lơgar, tơnguh kơnòl bơh cau tờm brê dê, tơr gùm bơyai lơh mpồl jàu lơh broă nàng sền gròi, git go\ gờ` nàng bơsong. Bè đah càr den geh ală mpồl đơng lam lơh broă sùm nàng tu\ gơlik geh ồs sa brê den gơtùi dong kờl di tu\.”

Mờ bơta rơcang lài, lơh broă pràn ngan bơh ală tiah dê mờ gah lơh broă geh gơnoar càr Daklak dê gam lơh ngan rơcang sơndră mờ bơta ồs sa, lơh ngan ờ lời bă brê lơi gơtìp hoàc huơr tài bơh ồs sa.

                                                                         Cau cih mờ yal tơnggit K’Duẩn