VOV4.K’ho - Kơnờm mờ broă atbồ mờ sền gròi bơcri priă lơh niam wơl gùng che ôs đèng pơgồp bal den tàng bơta niam ồs đèng tàm càr Dak Lak geh tơnguh niam sùm.

Tơnơ\ mờ tu\ dờp gùng che ồs đèng hạ pá tàm [òn bơh HTX Điện Nước Ea Kar, đah Điện lục Ea Kar neh tơrgùm 30 tơmàn priă kờ` bơcri lơh niam wơl, tơnguh pràn gùng che ồs đèng, tơmù hoàc huơr ồs đèng, dong kờl cau ngui geh ngui ồs đèng tơl pràn rơlao.

Tơnơ\ mờ uă nam atbồ, lơh mờ tăc ồs đèng ai mờr 11 rơbô nă cau in, broă lơh gùng che ồs đèng geh HTX Điện Nước Ea Kar neh gơbàn ờ niam uă ngan. Bơh lồi nam lài, gùng che ồs đèng do geh jào đah lơh ồs đèng Ea Kar gơwèt Công ty Điện lực Dak Lak dờp lơh mờ 3 kơi sồ gùng che ồs đèng trung thế, 120 kơi sồ gùng che ồs đèng ha thế. Ồng Trần Văn Dũng, Phó kuang atbồ Điện lực Ea Kar pà g^t, kờp jơh khà priă kờ` lơh niam wơl gùng che ồs đèng do rơlao 46 tơmàn priă:

Tơnơ\ mờ tu\ dờp, đah lơh ồs đèng neh bơyai lơh sển gròi ù tiah, sền wơl bơta geh mùl màl phan bơna kung bè broă was kờp den go\ uă tiah neh gơbàn ờ niam uă ngan, ờ kơl jăp tai. Điện lựcEa Kar neh lơh ală rơndăp broă mờ geh ai lơh mờ kờp jơh khà priă bơcri tus mờ gùt broă lơh gùng che ồs đèng geh HTX jào tus rơlao 46 tơmàn priă.

Tus tu\ do, Điện lực Ea Kar neh lơh gơs broă lơh niam wơl, ơla phan was kờp ồs đèng ai mờr 12 rơbô nă cau ngui gơwèt 34 anih biến áp in. Lơh pa 26 anih biến áp, crăp mờr 4 kơi sồ gùng che ồs đèng trung áp mờ 35 kơi sồ gùng che ồs đèng hạ áp. Bơh bồ nam do neh ơla jơh phan was kờp mờ mờr 12 rơbô nơm công tơ điện tử. Ồng Nguyễn Văn Hùng, kis tàm [òn 4, thị trấn Ea Kar, kơnhoàl Ea Kar pà g^t, bơh tu\ geh blơi ồs đèng bơh Công ty Điện lực Dak Lak, broă ngui ồs đèng geh niam ờ do ờ dă rơlao, tu\ geh broă gơbàn kung geh bơsong di tu\ rơlao.

-Lài do uă tu\ hìu nhă gơbàn chơ\t ồs đèng là hòi HTX kung roh bơh 2 tyus 3 ngai hơ\ sồng tus lơh wơl. Công tơ den đah HTX jơ was ồs đèng ờ gơtùi sền kờ` ai khà di, ờ geh automat, tu\ do ngui ồs đèng đah Công ty Diện lực den jơ was ồs đèng geh niam rơlao, jơ was ồs đèng điện tử, geh automat tơn, niam ờ do ờ dă rơlao. Ồs đèng HTX mờ jào Công ty Điện lực den `jrong lơh kung kơl jăp rơlao, làng bol iang nùs rơlao.

Ồng Lê Hoài Nhơn, Phó kuang atbồ Công ty Điện lực Dak Lak pà g^t, ală nam lài do gùng che ồs đèng [òn lơgar, tàm hơ\ uă ngan là gùng che ồs đèng tơnơ\ mờ tu\ gah lơh ồs đèng dờp bơh ală HTX, geh uă bơta lơh ờ di jăt mờ broă di ai lơh, bơta ơnàng broă lơh ồs đèng jòng, gùng che ồs đèng dềt, ờ kơl jăp geh uă bơta… neh lơh gơbàn ờ tơl niam, di gơlan gơbàn rềs àr tu\ ngui ồs đèng.

Bơta ndai tai, bơta niam ồs đèng ờ tơl, tàm hơ\ uă ngan là ală tiah lồi gùng che ồs đèng, ờ di pal mờ broă kờ` ngui tàm rài kis, lơh sa. Ală nam do, Công ty neh lơh pơgồp bal ală broă lơh ồs đèng [òn lơgar mờ ală rơndăp broă lơh niam wơl gùng che ồs đèng bơh priă càn lơgar bơdìh dê. Tus tu\ do, gùt càr neh lơh pa mờ lơh niam wơl rơlao 732 kơi sồ gùng che ồs đèng trung áp; mờr 1 rơbô 400 kơi sồ gùng che ồs đèng hạ áp; 442 anih biến áp mờ kờp jơh khà priă bơcri rơlao 877 tơmàn priă. Ồng Lê Hoài Nhơn đơs tòm:

-Pah nam, kơnòl bơh bol a` dê là lời 1 khà priă uă ngan, ai ală rơndăp broă tàm tơngu me càn priă bơh lơgar bơdìh, bol a` bơcri priă lơh niam wơl gùng che ồs đèng, pờ ơnàng broă lơh gùng che ồs đèng tàm [òn, kờ` di pal mờ broă kờ` ngui ồs đèng làng bol in. lài ngan là rài kis mờ tòm ngan là gàr niam broă lơh sa kă bro kờ` tơnguh rài kis, tơnguh bơtàu lơh sa.

Kơnờm mờ broă sền gròi bơcri priă lơh niam wơl mờ tam gơl broă atbồ, tus tu\ do, bơta niam broă lơh ồs đèng tàm càr Dak Lak neh geh gơguh uă, gàr niam ờ do ờ dă tàm broă lơh, pơgồp bal tàm broă chồl pràn broă tơnguh bơtàu lơh sa, tơnguh uă rài kis tàm ală [òn.

Cau cih mờ yal tơng^t Ndong Brawl