VOV4.K’ho - Ngai òr (09/04), UBND càr Dak Nông bơyai lơh dơ̆ pơrjum nàng iăt jơnau yal mờ cri bơyai broă bơsong kal ke tàm broă lơh nhơl chờ cau lơh is tàm tiah Tà Đùng (kơnhoàl Dak Glong).

Tiah Tà Đùng là tiah gơwèt Công viên địa chất gùt plai ù UNESCO Dak Nông. Tiah do geh ù tiah niam, geh uă anih lơh sa kă bro bơcri priă  mờ cau năc sền gròi, khà cau năc tus nhơl sền gơguh sùm. Ală hìu kă bro tŭ do tàm Tà Đùng mìng geh lơh dềt bè tus nhơl sền, hìu ơm, hìu sào sa... Broă drơng ala ơm kis mìng ală hìu dềt, hìu pơgồp bal, geh lơh dềt, phan lơh broă ờ tơl.

Đơs tàm pơn dŭt pơrjum, ồng Nguyễn Đình Trung, Chủ tịch UBND càr Dak Nông pà gĭt, tơngai do, Tàm Đùng geh gĭt tus là tiah geh ù tiah niam. Mơya, broă lơh niam wơl, atbồ broă lơh nhơl chờ tàm do ờ hềt tơl niam di mờ kơrnoăt geh ai. Den tàng, gơnoar atbồ tàm do, bal mờ ală gah, mpồl lơh broă geh gơnoar pal tơnguh broă atbồ bè ù tiah, broă lơh nàng sền gàr niam bơta lơngăp lơngai ờ do ờ dă.

Cau mblàng Ndong Brawl