VOV4.K’ho - Tàm ală nam do, ồs đèng Gia Nghĩa gơwèt Công ty ồs đèng Dak Nông sùm tơnguh gơnoar, kơnòl kờ` gàr niam ờ do ờ dă tiah jăt gah gùng che ồs đèng geh cồng nha, bơh tu\ hơ\, geh gàr niam ồs đèng drơng tàm broă lơh sa mờ rài kis geh ring niam.

Ồs đèng Gia Nghĩa geh jào kơnòl atbồ lơh mờ kă bro ồs đèng tàm thị xã Gia Nghĩa mờ xã Trường Xuân gơwèt kơnhoàl Dak Song, geh 5 sơnah [òn mờ 4 xã mờ ù tiah ơnàng ai geh ồs đèng là 30 kơi sồ.

Mờ broă atbồ mờr 200 kơi sồ gùng che ồs đèng trung áp, hạ áp mờ geh 285 anih biến áp, ồs đèng Gia Nghĩa gam atbồ 1 bă tiah ơnàng, jòng. Bơta kờ` đơs ngan là ală tiah geh gùng che ồs đèng lòt gan, geh uă cau gơbàn tìs jăt gah gùng che ồs đèng. Kuơ màng ngan là broă tam phan tàm tiah geh gàr niam ờ do ờ dă gùng che ồs đèng làng bol dê.

Geh uă hìu làng bol tu\ tam phan neh tờ is bơtô, lơh pơngàr, sơbì gùng lơh broă lơh kal ke tus mờ mpồl atbồ, lơh tàm broă sền gròi, lơh niam wơl, bơsong bơta gơbàn geh tàm gùng che ồs đèng. Bu\ lah kơrnoăt neh geh ai, mơya gah lơh ồs đèng gam tìp kal ke tàm broă bơsong jơh ală cau tìs.

Broă lơh is hìu tàm tiah gàr niam ờ do ờ dă gùng che ồs đèng gam gơbàn, mơya tơnơ\ mờ tu\ geh yal, làng bol neh wă mờ lơh jăt niam kờ` gàr niam ờ do ờ dă tiah jăt gah gùng che ồs đèng. Bi Nguyễn Văn Như, kis tàm sơnah [òn Nghĩa Đức, thị xã Gia Nghĩa đơs là:

-Hìu a` kung geh gùng che ồs đèng lòt gan uă phan tam, tòm chi dờng, ngai lài den đah điện lực tus kung neh sồr là pal pồng ală tòm chi `hoa den kờ` ba` gơbàn aniai tus mờ gùng che ồs đèng, tàm hơ\ uă ngan là tu\ do trồ tiah mìu càl pràn. Den a` kung neh pồng, sreh ờ uă tòm, lài ngan là go\ kung pơlai, mơya tài ală cau sreh den a` kung sreh sơl, tăc che ồs đèng den lơh aniai tus mờ [òn lơgar.

Kal ke tu\ do là broă kơl, pồng ală tòm chi tàm [òn lơgar. Tu\ do, tàm thị trấn, thị xã, ai tam chi tàm tiah gùng che ồs đèng den tàng pah tu\ kơl, pồng tòm chi jăt gah gùng che ồs đèng tìp uă ngan kal ke. Uă tiah, gơnoar atbồ tơl^k sră nggal ờ ai kơl, pồng tòm chi tam jăt gah gùng che ồs đèng tàm [òn.

Den tàng neh lơh gơbàn ờ niam uă ngan tus mờ broă lơh gùng che ồs đèng bè gơbàn tu\p gùng che ồs đèng tu\ geh càl pràn, lơh gơbàn ờ niam tus mờ broă ai ồs đèng tus mờ cau ngui in. Gùng che ồs đèng pal ơm kờ` lơh niam wơl.

Ồng Lưu Văn Tiến, kuang bàng lơh broă tàm đah ồs đèng Gia Nghĩa pà g^t, mìng is tàm nam 2017, neh geh 17 nă cau tìs jăt gah ù tiah kờ` gàr niam ờ do ờ dă gùng che ồs đèng, mìng gơbàn tàm xã Dak Rmoan, Dak Nia:

-Ală dơ\ lam sồr tus mờ làng bol den đah ồs đèng neh uă dơ\ lơh sră yal tus mờ ală sơnah [òn kờ` yal tus mờ ală hìu in g^t. Den geh juă hìu làng bol kung neh wă mờ lơh jăt nền nòn ngan.

Tàm kàl mìu den đah ồs đèng Gia Nghĩa ndrờm geh sră nggal mờ geh ală jơnau yal tus mờ ală sơnah [òn, xã mờ ală kơnòm bơsram, sồr hìu bơsram yal kờ` gàr niam ờ do ờ dă là broă tòm, kung ờ hềt gơbàn geh bơta lơi bơh hìu làng bol ha là bơh tòm chi lơh gơpừ sơl.

Ồng Nguyễn Hữu Trình, Phó kuang atbồ đah ồs đèng Gia Nghĩa pà g^t, jăt mờ ală nam lài do, ală broă gơbàn bè gùng che ồs đèng neh gơmù bơh 60% tus 70%, broă atbồ, lơh broă lơh ồs đèng Gia Nghĩa đơs is mờ Công ty ồs đèng Dak Nông đơs bal neh mu\t tàm broă lơh niam. Gàr niam ờ do ờ dă tiah jăt gah gùng che ồs đèng:

-Gơwèt mờ tiah jăt gah gùng che ồs đèng, 1 nhai geh sền gròi 1 dơ\, jăt broă lơh bơh oh mi tàm mpồl dê, den geh tam pà bal tài khà broă lơh uă ngan. Broă gơbàn ờ niam bơh đah lơh broă ồs đèng Gia Nghĩa neh gơmù niam ngan.

Tàm anih tòm thị xã là gam lơh niam wơl gùng che ồs đèng, geh tàm 80% gùng che ồs đèng geh klơm den tàng bơta gơbàn ờ niam geh ờ uă ngan. Kung sùm geh lơh niam wơl ờ mìng jăt gah gùng che ồs đèng mờ gam geh tàm ală broă ndai, uă broă mơya gàr niam ờ do ờ dă jăt gah gùng che ồs đèng là kuơ màng ngan mờ he pal sền gròi.

Broă bơsong ală tìs bè niam ờ do ờ dă jăt gah gùng che ồs đèng là 1 broă lơh kal ke. Den tàng, bal mờ broă chồl pràn lam sồr kờ` tơnguh jơnau g^t wă làng bol in, tơmù ờ uă ngan broă gơbàn tìs, tàm tơngai tus, ồs đèng Gia Nghĩa gam kờ` ngan broă tus bal bơh ală kơnau gơnoar atbồ, kờ` bơsong jơh ală tiah tìs, gàr niam ờ do ờ dă tus mờ broă lơh geh niam sùm gùng che ồs đèng dà lơgar.

Cau cih mờ yal tơng^t Ndong Brawl