VOV4.K’ho- Ngai 18/5, Gah đơng lam ling klàng càr Dăk Nông neh tus rờ 7 ƀồc ntìng cau ling chơ̆t màng tàm thôn 8, xã Quảng Tân, kơnhoàl Tuy Đức, càr Dăk Nông. Tàm khà 7 bơtô ƀồc ntìng cau ling chơ̆t màng geh jòi bàn, 3 bơtô ƀồc gam dùl êt ntìng, 4 bơtô ƀồc mìng gam wơl phan lời kir sơnrai bơh cau ling chơ̆t màng dê, bè: ơyun, pềs ja, plai kăp àu...

Jăt ală cau ling yau lài do neh geh tŭ tam lơh tàm tiah do yal, do là ală ƀồc ntìng bơh ală cau ling chơ̆t màng gơwèt Trung đoàn 205 mờ Trung đoàn 271 (Gah đơng lam ling klàng tiah đah măt tơngai lik lài do) chơ̆t phi să tàm ală nam bơh nam 1973- 1974. Tiah jòi bàn ală bơtô ƀồc cau ling chơ̆t màng do lài do geh cau ling sơnđan măt là dòr “tam pà bàr” tài bơh dùl nơm dòr mờ ling klàng bal mờ ling sò tơm sơgràm dùl đah. Tàm tiah do, lài do mpồl lơh broă geh gơnoar neh jòi bàn 20 bơtô ƀồc cau ling chơ̆t màng dê. Tŭ do, mpồl lơh broă geh gơnoar pơn jăt tai rề ơnàng kơnhoàl ù tiah lòt jòi.

Cau mblàng Lơ Mu K’Yến