VOV4.K’ho- UBND càr Dak Nông bơyai jờng rơ ơ ruh pơnu pơn rơ jak lơh jat jơnau sồr Bác Hồ dê, di ngai chờ gờm tơng kah 128 nam ngai deh Chủ tịch Hồ Chí Minh, 70 năm ngai Bác Hồ ai jơnau hòi jà tàm pơrlòng kờ` gơboh mờ dà lơgar.

Geh jờng rơ dơ\ do là 13 mpồl cau mờ 27 nă ơruh pơnu pơnrơ jak bơh càr dê. Do là ală mpồl cau mờ cau dùl nă să is geh cồng nha jak ngan, geh nùs nhơm tam klăc bal, geh rài kis lơh jat adat boh lam niam tàm broă lơh; bơt bơtàu ală broă lơh ngan ngồn, geh broă rơndap lơh loh làng tàm broă lơh jat kơnòl broă geh jàu, “ jơnau đơs gơ jat bal mờ broă lơh”, mờ ơn bơta kuơ mpồl bơtìan uă rlau mờ bơta kuơ să tờm dê.

Broă lơh jờng rơ dơ\ do là bơta pơn jờng di tu\ nàng mpồl ơ ruh pơnu càr Dak Nông in geh tai bơta pràn, lơh geh uă broă lơh, bơnah broă ngan ngồn, kuơ màng rlau tai ai làng bol mờ mpồl bơtìan in.

Cau mblàng K’Hạnh