VOV4.K’ho - Ngai òr (21/07), càr Dak Nông neh lơh jăt broă tam cah is broă lơh sơnơm jơh gùt xã Dak Wer, kơnhoàl Dak Rlấp nàng rơcang sơndră mờ kòp Covid-19. Jăt mờ hơ̆, tơnơ̆ mờ tŭ pơn jăt tơn dờp gŏ tai 4 nă cau gơtìp kòp Covid-19 là F1 bơh cau kòp sồ 60204, kis tàm ƀòn 10, xã Dak Wer, kơnhoàl Dak Rlấp là cau kòp bơh ƀòn dờng Hồ Chí Minh rê, gah lơh sơnơm neh mhar jòi geh 15 nă cau neh tìp rềp, mờ bơyai lơh wàng se tiah geh cau kòp mờ tam cah is ală cau gơrềng bal.

Mơya nàng gàr niam broă rơcang sơndră mờ kòp Covid-19, kơnhoàl Dak Rlấp neh bơyai lơh tam cah is lơh sơnơm là jơh ù tiah xã Dak Wer. Tơngai tam cah is 14 ngai, lơh jăt bơh ngai 21 nhai 7 mờ jăt mờ tơl bơta bơh kòp mờ tơngai tam cah is di gơlan geh tơnjŏ rơlao.

Cau mblàng Ndong Brawl