VOV4.K’ho - Mu\t tàm kàl tơnhài pa cồng nha bal mờ khà geh kơphe càr Dak Nông dê geh tơngo\ ală bơta niam. Bu\ lah bè hơ\, geh uă làng bol gam tam kơphe jăt broă mờng chài ờs mờng, ờ kơl jăp, cồng nha ờ hềt uă.

Ồng Nguyễn Thiện Chân, Phó kuang atbồ đah tam phan mờ sền gàr phan tam càr Dak Nông yal loh rơlao tai bè gùng dà lơh kơphe kơl jăp càr do dê.

-Ơ ồng, cau tam kơphe tàm càr Dak Nông gam mu\t tàm kàl tơnhào pa. Ồng geh ală jơnau kơlôi sơnơng lơi bè kàl tơnhào do?

Ồng Nguyễn Thiện Chân: Jăt mờ nam 2016 den nam 2017 do bă ù tam kơphe geh gơguh ờ uă. Bă ù gơguh do 1 bơnah là tài ală phan tam ndai ờ di pal mờ ù den tàng tam gơl tam kơphe, gơguh di pơgăp 570 lồ. cồng nha kơphe nam do kờp bal geh 22,8 tạ gar tàm 1 lồ.

Tàm 2 tiah Dak Mil mờ Dak R Lấp, ală tiah do di pal mờ tòm kơphe rơlao, mìu ờ uă rơlao den tàng khà lì bơkào mờ tơ\t plai uă rơlao. Gơwèt mờ ală tiah do pah nam đah tam phan mờ sền gàr phan tam geh ală jơnau bơto sồr tàm broă tam mờ sơnka sền gàr, tàm hơ\ uă ngan là broă sơnka tuh dà, sih phơng, làng bol geh ngui khoa học kỹ thuật dong kờl tòm kơphe geh cồng nha uă.

-Geh sền là kàl tơnhào uă, mơya kờ` gơguh uă bơta niam kơphe, ồng geh jơnau lơi bơto sồr tus mờ làng bol tàm broă tơnhào mờ prăp gàr lah ờ?

Ồng Nguyễn Thiện Chân: Tu\ do, geh uă hìu làng bol p^c tơnhào mờ ìs kơphe jăt broă lơh ờs mờng, p^c mờ dă bạt ìs ra`, gơwèt mờ ờ uă hìu gam ìs tàm ù. Nam do, kàl mìu jo\ tus tàm tu\ p^c plai kơphe, den tàng bơta niam kơphe tơnơ\ mờ tu\ tơnhào bè ìs pơr ờ geh niam.

Kờ` gơguh bơta niam, a` bơto sồr làng bol tu\ p^c pal p^c plai neh dum, dơ\ 2 là geh [làng ìs pơr, lơh ngan lơh ală bơnhă pơr, gàr geh bơta niam mờ tơmù ờ uă tơngai ìs, pơr. Di lah ờ pơr den he pal geh [làng ìs niam, ờ hoan gơbàn tài mìu, càl lơh aniai tus mờ gar kơphe.

-Ơ ồng, ală nam pa do, jơnau sơnđan lơh kơphe kơl jăp, kơphe kloh geh đơs uă ngan. Dan ồng pà g^t bè bơta do mùl màl tàm càr Dak Nông dê?

Ồng Nguyễn Thiện Chân: Kờ` tơnguh bơtàu kơphe kơl jăp den tu\ do tàm càr Dak Nông kung gam lơh uă ngan rơndăp broă mờ lơh ală broă tơlòng lơh, tàm hơ\ uă ngan là lơh kơphe geh khà niam bè kơphe 4C, UTZ.

Bơdìh hơ\ tai den ală công ty bè Nesle lơh kơphe kloh; rơndăp broă lơh VnSat dong kờl tơnguh bơtàu kơphe kơl jăp. Đah tam phan mờ sền gàr phan tam kung neh lơh ală broă kờ` bơto sồr bè bơta chài tam, sơnka sền gàr bè tơnguh bơtàu kơphe kơl jăp.

Bơdìh hơ\ tai, bơto sồr tàm broă ngui khoa học công nghệ, sền kuơ broă tơnguh bơtàu kơphe hữu cơ, tơmù ờ uă ngan sơnơm sền gàr phan tam mờ phơng hoá học kờ` tơnguh niam tiah kis tàm ù.

Broă kă bro kơphe tàm càr gam gơrềng uă ngan tàm cau blơi, den tàng kung lơh gơmù khà priă geh làng bol dê. Kờ` tơmù bơta do, den anih lơh broă geh gơnoar pal ai tơl bơta niam mờ hòi jà anih lơh sa kă bro lơh ală hìu lơh kơphe tơn tàm ală tiah kờ` lơh anih tơrbo\ bal, lơh pơgồp bal tàm broă lơh kơphe bơh cau lơh tus mờ cau ngui sa, lơh bè lơi pơgồp geh bal sùm, gàr niam broă lơh mờ broă kă bro kờ` tơnguh uă khà geh kơphe làng bol in.

-Ơi, dan ưn ngài ồng uă ngan!

Cau cih mờ yal tơng^t Ndong Brawl