VOV4.K’ho - Tàm pơrjum đơs wơl cồng nha mut lơh broa\ lơh nam 2017, mut lơh broa\ lơh nam 2018, UBND càr Daklak neh tơlik khà broa\ lơh lơh ngan  gơ guh lơh sa phan bơna bơh 7,8-8%, ta\ dia dà lơgar tàm càr geh 5 rbô tơmàn pria\. Tàm 18 broa\ lơh lơh sa mpồl bơtìan, gàr niam ngap lơngai dà lơgar, ờ do ờ da\ [òn lơgar,  mpờl go\ ngan la khà bè gơ glòm brê (kờp bal tờm cao su) nam  do gam lơyah (ờ hềt tus 37%).

Do kung la khà mìng dùl lơm ờ lơh gơs broa\ jàu tàm nam 2017. Jat ala\ cau kuang, gơbàn geh  bơta do la bơh broa\ mus brê mờ  sơ gràm ù brê gam gơbàn kal ke, dùl bơnah la bơh broa\ atbồ dà lơgar ờ hềt niam, broa\ lơh bal bơh ala\ anih lơh broa\ geh gơnoar gam ờ niam, tàm tu\ bơta kơnjơ\ làng bol trờn tus kis bơdĩh rơndap broa\ mut tàm Daklak slơ ngai slơ ua\.

                           Cau cih mờ yal tơnggit K’ Brọp