VOV4.K’ho - Tơngai bơh nam 2021 tus 2025, ală tiah tàm càr Gia Lai neh rơcang bơ̆t bơtàu rơndăp broă lơh kơl jăp rơbòng dà nàng di pal mờ broă kờñ geh tơl dà tuh, tơnguh uă cồng nha broă lơh sa suơn sre.

Mìng is kơnhoàl Chư Sê, bơh nam 2018 tus tŭ do neh bơcri mờr 10 tơmàn đong nàng lơh kơl jăp ờ uă gơl rơbòng dà mờ bơta jòng 18 kơi sồ. Tàm kơnhoàl geh 46 broă lơh bơtơ̆t rơbòng dà mờ bơta pràn tuh dà rơlao 1 rơbô 400 lồ sre lơh kòi mờ 1 rơbô 900 lồ ù tam phan jŏ tơngai, biăp, phan tam ờ jŏ tơngai. Broă lơh bơtơ̆t rơbòng dà geh kơl jăp là rơlao 52,2 kơi sồ neh geh ai dà tuh mờ broă kờñ rề ơnàng ù lơh sa, tơnguh uă phan lơh gơs ai làng bol in.

Ồng Hồ Phước Thành, Kuang atbồ Sở Kế hoạch mờ Đầu tư càr Gia Lai pà gĭt: Tàm tơngu me broă kờñ mờ bơta pràn lơh bơh ală tiah dê, kes priă càr geh dong kờl pah nam 100 tơmàn đong mờ di gơlan geh tam pà sơrlèt mờ khà do nàng chồl mhar broă lơh jăt broă lơh kơl jăp rơbòng dà, priă tàm tơngai bơh nam 2021 tus 2025 geh di pơgăp 500 tơmàn đong.

Cau mblàng Ndong Brawl