VOV4.K’ho - Drim òr (22/6), Liên đoàn Lao động càr Gia Lai bơyai lơh pơrjum dờng Công đoàn dơ\ 10, tơngai lơh broă bơh nam 2018 tus 2023 mờ broă tus bal bơh 235 nă kuang bàng, ala măt mờr 62 rơbô nă cau lơh broă tàm gùt càr do.

Tơngai lơh broă pa do, broă lơh công đoàn tàm càr Gai Lai neh lơh di mờ nghị quyết bơh cấp uỷ, công đoàn ală cấp mờ geh lơh mùl màl jơh ală broă, broă lơh. Broă tus bal atbồ, sền gròi, drơng rài kis, sền gàr gơnoar, bơta kuơ di mờ adăt boh lam, di pal bơh đoàn viên, cau lơh broă geh sền kuơ mờ geh uă broă tam gơl niam.

Bơta lơh broă, broă lơh tơl niam ờ do ờ dă, kloh niam tàm broă lơh, sền gàr broă lơh geh sền gròi niam, tơnguh rơlao. Ală broă pơrlòng bơh mpồl công đoàn ală cấp geh lơh mùl màl.

Geh pơnrơ ngan, broă lơh “Hìu Công đoàn” neh hòi jà geh rơlao 4 tơmàn 500 tơlăk priă, lơh pa mờ lơh niam wơl 123 nơm hìu ai cau lơh broă geh rài kis kal ke; rơlao 9 rơbô dơ\ đoàn viên geh bơyai lơh còp să, lam sồr mờ dong kờl tu\ gơbàn kòp tê jê să; hòi jà geh g^t nđờ tơmàn priă kờ` dong kờl làng bol gơbàn aniai tàm ală dơ\ mìu dờng dà tih dà cò.

Geh kah ngan, nam 2017, Liên đoàn Lao động càr Gia Lai neh yă 18 anih lơh sa kă bro lời dồs priă bảo hiểm xã hội. Bơh tu\ hơ\, geh 14 anih lơh sa kă bro geh jào mờr 6 tơmàn priă tơm dồs gam gơlời do.

Broă bơ\t bơtàu broă lơh công đoàn ngai sơlơ geh sền gròi mờ pờ ơnàng tus mờ ală anih lơh broă, anih lơh sa kă bro bơdìh dà lơgar.

Cau mblàng Ndong Brawl