VOV4.K’ho – Tàm [òn dờng Pleiku, càr Gialai, mpồl jat yàng Baha’I Diên Hồng bơyai lơh tơngkah 200 nam ngai lik lìng Yàng Baha‘u’llah, là yàng bàp dờng bơh gah jat yàng Baha’I dê.

Kuang đơng lam bồ càr Gialai mờ ờ uă gah, mpồl lơh broă, ala mat ală gah jat yàng neh tus bal dơ\ bơyai lơh tơngkah mờ nting sap gờm chờ làng bol jat yàng. Tàm dơ\ bơyai lơh, ală cau ala mat neh yal wơl broă crơng gơs mờ bơtàu tơnguh bơh mpồl cau jat yàng Baha’I tàm dunia mờ tàm lơgar Việt Nam.

Mpồl jat yàng Baha’I Việt Nam geh Chính phủ dờp bơh nam 2008. Mìng is tàm càr Gialai, yàng Baha’I là yàng dơ\ 5 geh lơh broă ngan ngồn tàm càr. Mpồl jat yàng Baha’I lơh broă mờ jơnau kờ` đơs ngan bơngă mờ bơta kuơ bơh cau ùr dê, bơtàu tơnguh niam rài kis cau r[ah in, tơnguh jơnhua rài bơto bơsram tơnguh bồ tơngoh git wă làng bol dê, pơn jờng ală broă lơh khoa học geh kuơ…

Yàng Baha’I Việt Nam neh mờ gam tă pơgồp geh cồng nha tàm broă lơh bơt bơtàu dà lơgar bơh ală broă lơh bơto bơsram kờ` bơtàu tơnguh bè nùs nhơm, bồ tơngoh jak chài ai tơl nă cau tàm mpồl in nàng jơh nùs tă pơgồp mpồl bơtiàn in.