VOV4.K’ho - Kuang bàng đơng lam càr Gia Lai neh geh dơ\ lơh broă mờ ala măt hìu bơsram Đại học Canberra, lơgar Australia kờ` cri bơyai ờ uă tơngu me di gơlan geh lơh broă bal tàm broă bơcri priă.

          Kuang bàng đơng lam càr Gia Lai lơh broă mờ ala măt hìu bơsram Đại học Canberra, lơgar Australia

Tàm dơ\ lơh broă, ala măt hìu bơsram Đại học Canberra yal cồng nha kơlôi sơnơng bè lơh geh anih kă bro mờ bơcri priă kờ` chồl pràn bơta kuơ tòm bơh lơgar Australia mờ lơgar Việt Nam, bơh tu hơ\ di gơlan geh bơyai lơh pơrjum cri bơyai bè broă do tàm càr Gai Lai nhai 4 tus.

Mờ ala măt hìu bơsram do kung yal ală rơndăp broă di gơlan geh lơh broă bơcri priă tàm càr Gia Lai bè: lơh công ty thực phẩm chức năng kờ` lơh [òk gấc hữu cơ geh bơta niam uă jăt gùng dà broă lơh gơs jăk chài ngan dong kờl lơgar Việt Nam tus bal pràn tàm drà kă bro thực phẩm chức năng; rơndăp broă bè năng lượng lơh geh wơl tàm ală hìu măy drơng tàm broă lơh tòm hìu măy hơ\ in kờ` tơmù priă tă tàm broă lơh; rơndăp broă tus bal tă priă lơh kờ` gơs hìu măy lơh dà toh dờng ngan lơgar Australia dê; rơndăp broă tam biăp kloh niam ờ do ờ dă tàm thị xã An Khê.

Bàr gah neh geh uă jơnau đơs kờ` jòi geh mờ pơgồp bal lơh broă, anih lơh sa kă bro bơcri priă, kes priă bơcri, cau jăk chài tàm lơgar Australia bè Gia Lai kờ` lơh ală rơndăp broă do.

Cau cih mờ yal tơng^t Ndong Brawl