VOV4.K’ho - Dùl broa\ ờ niam pa gơlik geh tàm kong ty lâm nghiệp Đak Kroong kơnhoàl Kbang, càr Gia Lai tu\ cau lơh broa\ kong ty do ơpah cau òt chi nàng sèn gàr brê. Bơta lơi neh lơh cau sền gàr brê pal ngui broa\ lơh do.

             Ala\ gơl dơm chi gơ ơm khat bè tàm gùng mut lòt sền gàr brê di Tiêu khu 21 mờ 27, bơh ù tiab brê  Kong ty TNHH MTV Lâm nghịêp Đăk Kroong mờ Kong ty TNHH MTV lâm nghịêp Trạm Lập, xã Đăk Kroong, kơnhoàk Kbang, càr Gia Lai. Geh chi dờng 40 phơng, geh chi 60 phơng, geh chi dờng rlau mơ gùl thơk neh gơbàn kơl. Jat ồng Lâm Quốc Trung, atbồ phòng kỹ thuật Kong ty Lâm nghiệp Đăk Kroong, ala\ dơm chi gơbàn kơl ua\ ngan la chi Chua Khét, tờm krang. 

Lài do,   tàm tơngai gam tơnhàu brê, ala\ chi do gơbàn kơl sang. Sơnơng do la ala\ chi ờ hoan geh kuơ, pơgap di nhai 9/2018, ala\ cau lơh broa\ neh ơpah cau lòt òt  chi do tàm gùng lòt sền mờ bơta la nàng kơryan gùng pơndiang dơm chi bơh cau kơnhau chi brê:

             Cau blơ\ kơnhau chi brê sùm lơh ờm,  lòt mòk mờ du\ gùng. Mờ ala\ tờm chi do la ala\ chi gời, ờ ngui kuơ, ờ geh kuơ lơh sa phan bơna. Oh mìng sơnơng bè hơ\ den tàng lơh gơbàn tìs nàng kơryan ờ ai cau blơ\ pơndiang dơm chi tàm  gùng do nàng  kơryan bơta  tơnhàu brê, pơndiang dơm chi tìs hờ tiah ndai.

 Ồng Trương Văn Bốn,  kuang atbồ Kong ty TNHH MTV Lâm nghiệp Đắk Kroong ai git, 2 na\ cau lơh broa\ neh ơpah  cau òt chi brê la  Đồng Anh Tuấn (30 sơnam) Tổ trửơng at bồ sền gàr brê sồ 3 mờ ồng Đậu Minh Giang (35 sơnam, cau lơh broa\ sền gàr brê),  geh jào sền gàr  brê tàm Tiêu khu 21 mờ 27. Ala\ cau lơh broa\ neh ơpah cau òt chi mờ ờ lùp jơnau, yal  mờ kong ti. Mblàng yal mờ anih lơh broa\, 2 na\ cau lơh broa\ la Tuấn mờ Giang ai git,  tơnơ\ git go\ ờ ua\ anih gơbàn tơnhàu chi brê tìs tàm brê  he atbồ,  ngòt geh lơh glài,  neh ơpah cau òt chi nàng kơryan cau blơ\ kơl chi.

Jat ồng Bốn, bè gah adat boh lam, ala\ cau lơh broa\ neh tìs mơya bơh tờm ngan la gơ geh bơta bơta bơklơn sền gàr brê la dờng ngan. Ù brê den ơnàng mờ bol blơ\ den lơh ngan kơl chi brê, broa\ nhắn tin, hòi điện thoại  pơhìn cau lơh broa\ sền gàr brê sùm gơbàn. Tàm tu\ sơnơng  ờ jơh,   ờ git wa\ jơh, ala\ cau lơh broa\ heh lơh bơta tìs:

             Tu\ do,  kơl mus brê la broa\ ờ suk ngan, jơh ala\ mpồl drờm mut lơh jơh. Bơh broa\ lơh hơ\  kung geh bơta do ne, bơh sơnơng ờ làm, bơta mờng chài kung ờ hềt geh  den tàng  neh lời gơlik geh broa\ gơbàn.  Ngan la ờ geh dùl na\ lơi,  bơta ờ niam hala geh lơh bal  ờ niam. Tu\ do broa\ neh rlau  gơbàn mờ anih lơh broa\ geh gơnoar neh lùp khào,  broa\ lơh tìs den anih lơh broa\ kung pal bơsong.

             Gơ rềng tus broa\ tàm Kong ty TNHH MTV Lâm nghiệp Đăk Kroong, dùl cau lơh broa\ kiểm lâm kơnhoàl Kbang ai git,  bal mờ bơta lơh broa\ ờ pràn, ờ tơl git wa\ bè adat boh lam bơh cau sa\ tờm sền gàr brê,  bơta klam jơ ngoh bơh broa\ sền gàr brê, kung neh geh ai tơlik.

Bơta gơbàn ua\ ngan, chài ngan bơh  cau  kơnhau brê geh tu\ lơh cau sền gàr btê gơs la cau kup ris bơh  bol blơ\. Dilah ai bol blơ\ kơnhau brê  la broa\ lơh ờ niam,  at tê ai bol kơl kơnhau brê in nàng lơh roh brê. Dilah ờ ai den bol blơ\ lơh broa\ geh trơ wơl lơh sơndra\, geh tu\ bol khi gam ngui ala\ broa\ lơh geh lơh cau sền gàr brê gơbàn lơh glài, di gơlan  gơbàn roh broa\ lơh:

             Ala\ cau sa\ tờm sền gàr brê, ala\ cau lơh broa\ do neh gơ gơs la cau gơbàn  kuơp ris bơh bol blơ\ kơnhau brê. Khi pơndiang dùl rơndeh gơbàn  kup, dan ờ geh, tu\ do bol khi trơ wơl wơl lơh aniai.  Òt dùl tờm chi tam 5 phút la gơ pừ. Khi mut tàm hơ\ khi òt dùl ròt, gùl bơnang, 1-2 jiơ àng khi mut òt hơ\ sồng do den he kung chơt. Cơng tàng nàng kup cau tìs kup bàn la dùl  bơta  mờ a` la cau neh gơbàn  bè hơ\ bloh.

             Anih  lơh broa\ geh gơnoar kơnhoàl Kbang neh  mut lùp khào broa\ kơl mus brê tàm Kong ty Lâm nghiệp Đăk Kroong. Mờ 32 tờm chi,  tơngguh khà tờm chi mờr 38 khối. Hạt kiểm lâm kơnhoàl Kbang neh yal ya\,  jào sra\ nggal tus kuang àng kơnhoàl nàng lùp khào. Bơh sơnrờp anih lơh broa\ lùp khào neh ai git, geh 5  tờm chi geh kuơ di 2 bơta la Hồng Tùng mờ Dổi mờ  khà dờng rlau 7  khối gơbàn bol blơ\ kơl kơnhau chi brê tơnhàu mờ neh ai tơlik bơdĩh brê. 27 dơm chi gam wơl la bơta chi ờ kuơ,  kờp jơh la 31 khối bơh cau lơh broa\ Kong ty Lâm nghiệp Đăk Kroong ơpah cau òt  mờ jơh ala\ dơm chi do gam gơ lời tềnmg hơ\. Anih lơh broa\ lùp khào gam lơh gơs sra\ nggal nàng bơsong jat geh cih bơh adat boh lam.

             Geh git wa\, kơnòl sền gàr brê la niam, mơya broa\ lơh ơpah cau òt chi nàng sền gàr brê bơh 2 na\ cau lơh broa\ bơh Kong ty Lâm nghiệp Đăk Kroong la ờ di. Do la broa\ lơh ờ niam mờ broa\ lơh do tìs adat boh lam. Bơh broa\ gơbàn do kung ai go\,  broa\ lơh atbồ, sền gàr brê tu\ do  gam pal kong mờ ua\ ngan kal ke,   bơ klơn, geh tu\ la gơbàn gơ kòl.

          Cau mblàng K’ Brọp