VOV4.K’ho - Mpồl kuang bàng đơng lam càr Gia Lai gam sền mùl màl kờ` đơng lam lơh jăt broă atbồ, sền gàr, lơh wơl mờ tơnguh bơtàu brê.

Kuang bàng đơng lam càr Gia Lai sồr: Sở Nông nghiệp mờ Phát triển Nông thôn bal mờ ală kơnhoàl Đức Cơ, Ia Grai, Cư\ Pah pơn jăt tai tơnguh broă atbồ dà lơgar tàm gah atbồ mờ sền gàr; pơgồp bal mờ ală gah lơh broă geh gơnoar bè mpồl ling sền gàr tiah nhàr dà lơgar càr lơh jăt ndrờm bal ală broă, tàm hơ\ uă ngan là broă sền gròi ù tiah kờ` di tu\ go\ mờ lơh glài nền nòn ală cau lơi sơgràm tus mờ brê, kuơ màng là kơrian ba` lời gơbàn làng bol sơgràm brê mờ ù brê ờ di mờ adăt boh lam kờ` lơh mìr.

Ală mpồl cau tòm brê pal tơnguh nùs nhơm geh kơnòl, tơmù ờ uă broă lơh gam ờ pràn kờ` lơh jăk rơlao broă atbồ mờ sền gàr brê. Ngai do 25 nhai 2, mpồl kuang bàng đơng lam càr Gia Lai pơn jăt tai lòt sền kờ` đơng lam lơh jăt broă atbồ, sền gàr, lơh wơl mờ tơnguh bơtàu brê tàm ală tiah tàm càr do.

Cau mblàng Ndong Brawl