VOV4.K’ho - Ồng Hồ Văn Niên, Bí thư Tỉnh ủy Gia Lai pa sồr anih lơh broă kuang àng càr do yă dơ̆ lơh gơtờp kòp ngòt rơngơ̆t ai cau ndai in. Hơ̆ là cau kòp Covid-19 geh mã sồ 95028 geh gŏ tàm ngai 24 nhai 7, là kuang bàng đah Mặt trận sơnah ƀòn Tây Sơn, ƀòn dờng Pleiku. Bŭ lah là F1 bơh cau kòp sồ 36712, mơya kuang bàng do yal, să tờm là F2.

Cau do gam tus hờ anih lơh broă UBND sơnah ƀòn lơh broă, tus uă hìu kă bro nàng sồr ală hìu kă bro hơ pal rơcang sơndră mờ kòp Covid-19. Tài yal ờ jơh nùs, cau kòp do neh lơh 3 nă cau tàm hìu nhă tờm gơtìp kòp Covid-19. Bơh broă jòi, Anih tờm gròi sền kòp tê jê să càr Gia Lai ai geh 51 nă cau là F1 mờ 82 nă cau là F2 bơh kuang bàng do.

Cau mblàng Ndong Brawl