VOV4.K’ho - Mờ rơlao 850 bơta phan geh ngui lơh sơnơm, càr Kon Tum geh ai broă tơnguh bơtàu tòm lơh sơnơm gơs gah lơh sa tòm, ai càr Kon Tum gơs tiah geh phan lơh sơnơm tòm tàm tiah do mờ gùt lơgar dê.

                                             Suơn ờng tòm sơnơm Ngũ vị tử tàm kơnhoàl Tu Mơ Rông

Càr Kon Tum ai khà rơndăp ù tiah phan lơh sơnơm tòm bè kơnuh Ngọc Linh, Hồng đẳng sâm, đương quy…tàm 3 kơnhoàl Đăk Glei, Tu Mơ Rông mờ Kon Plong.

Khà tus nam 2020 prăp gàr mờ lơh sơntìl ờ uă bơta phan lơh sơnơm geh kuơ, geh bơta kuơ uă bè đẳng sâm, kơnuh Ngọc Linh, lan kim tuyến, đương quy…; tơnguh bơtàu 2 rơbô 500 lồ ù ròng mờ tam phan lơh sơnơm tơrgùm bal tus mờ 9 bơta phan lơh sơnơm tàm càr do mờ ală bơta di pal mờ rài kis geh is tàm càr Kon Tum dê.

                                    Suơn ờng kơnuh sơnơm Ngọc Linh tàm xã Măng Ri, kơnhoàl Tu Mơ Rông

Tơngai pơn jăt tai tơnguh bơtàu tiah tam phan lơh sơnơm geh bă ù ơnàng 10 rơbô lồ. Tơngai do, càr Kon Tum neh geh uă cơ chế, dong kờl ală mpồl lơh broă, cau 1 nă să tus bal tam mờ tơnguh bơtàu tòm lơh sơnơm bè: ờ tă priă ơpah ù, ai càn priă sa priă cồng ờ uă, dong kờl sơntìl mờ bơto sồr tàm broă tòm sơnơm; bơcri priă blơi phan bơna lơh broă ai broă atbồ mờ sền gàr brê, sền gàr tiah phan lơh sơnơm…

Tus tu\ do, ală mpồl lơh broă bal mờ làng bol tàm càr do neh tơnguh bơtàu geh rơlao 300 lồ ù tam kơnuh Ngọc Linh mờ g^t nđờ rơhiang lồ ù tam đẳng sâm, đương quy, ngũ vị tử, rơm^t, kan khương, ba kích, giảo cổ lam…

Cau cih mờ yal tơng^t Ndong Brawl