VOV4.K’ho - Ngai òr (02/04), tàm ƀòn dờng Kon Tum, Tỉnh ủy Kon Tum bơyai lơh pơrjum dơ̆ 3 Ban Chấp hành Đảng bộ càr khoă 16.

                           Ồng Dương Văn Trang, Bí thư Tỉnh ủy Kon Tum geh jơnau đơs tàm pơrjum

Dùl tàm uă tơngu me geh pơrjum tơrgùm cri bơyai là kơnòl bơ̆t bơtàu ƀòn lơgar pa. Tus tŭ do, càr Kon Tum geh 28 xã geh dờp xã ƀòn lơgar pa. Bơdìh hơ̆ tai, geh 10 xã neh geh bơh 15 tus 18 khà broă; 45 xã geh bơh 10 tus 14 khà broă mờ 2 xã geh bơh 8 tus 9 khà broă.

Tỉnh ủy Kon Tum ai khà tàm 5 nam tus lơh ngan geh 4 kơnhoàl mờ ƀòn dờng Kon Tum geh khà ƀòn lơgar pa; tơnguh uă bơta niam broă ai khà, atbồ mờ lơh jăt broă ai khà, tàm hơ̆ uă ngan là bè broă tơnguh bơtàu lơh sa suơn sre, ƀòn lơgar; bơcri priă lơh ală broă tàm broă lơh sa mpồl bơtiàn, ƀòn lơgar pơgồp bal mờ tơnguh bơtàu ƀòn drà; bơ̆t bơtàu gah lơh sa suơn sre tơnguh uă rài kis ai làng bol in; tơnguh bơtàu broă bơto bơtê mờ bơsram, lơh sơnơm, bơta chài rơgơi...

Cau mblàng Ndong Brawl