VOV4.K’ho – Ngai òr (05/7), càr Kontum bơyai lơh pơrjum cribơyai bè broă ai khà dờng pràn kơnòm dềt tơl làm mut tàm broă rơndap lơh bơtàu tơnguh lơh sa, mpồl bơtìan càr dê. Tus bal cribơyai, geh ala mat mpồl Unicef tàm lơgar Việt Nam; kuang đơng lam bồ ală sở, gah lơh broă mờ ala mat 9 xã geh dờp bơta kuơ bơh rơndap broă lơh bơh ală kơnhoàl: Kon Braih, Tu Mrong, Đăk Glei.

Jat broă rơndap lơh bơtàu tơnguh lơh sa, mpồl bơtìan càr Kontum dê tơngai bơh nam 2017 tus nam 2021, broă lơh dờng pràn kơnòm dềt tơl làm bơh rơndap broă lơh dê geh tơr gùm tàm 4 broă lơh jo\ tơngai kờ` pal geh lam lơh tàm 9 xã lơh lài bơh 3 kơnhoàl dê. Mùl màl, êt ngan rlau jơh geh 70% khà kơnòm dềt bơh pa deh tus 3 sơnam geh dờp phan sa tơl pràn di mờ sơnam he dê; êt ngan geh 90% khà kơnòm dềt bơh 5 sơnam geh sồr lòt bơsram; 75% khà kơnòm dềt hơ đơm 5 sơnam tơl khà jat khà bè dờng pràn kơnòm dềt…

Pơrjum neh ai jơnau đơs bơh ală sở, gah lơh broă ờs mờng nàng geh broă rơndap lơh jat ngan ngồn ală khà ai tơlik, kờ` jơh ală kơnòm dềt bơh pa deh tus 8 sơnam ndrờm geh dờng pràn tơl làm bè să jan, nùs nhơm, bơta kuơ tàm rài kis mpồl bơtiàn.

                                                                 Cau mblàng K’Duẩn