VOV4.K’ho - Tu\ do, gam là kàl puh pah kung bè broă lơh jăt broă rơcang sơndră mờ kòp Covid-19 jăt jơnau đơng lam bơh Chính phủ dê.

Kes priă sền gàr mờ tơnguh bơtàu brê càr Kon Tum gam pơgồp bal mờ gah lơh broă geh gơnoar tàm càr do lơh jăt broă tơm priă sền gàr tiah kis brê ai ală hìu dờp sền gàr brê in.

Broă tơm priă sền gàr tiah kis brê di tu\ neh dong kờl g^t nđờ rơbô hìu làng bol geh tai priă blơi phan sa, phan ngui, gàr niam rài kis mờ sơrlèt mờ tơngai kal ke tu\ do.

Ală ngai do, Kes priă sền gàr mờ tơnguh bơtàu brê càr Kon Tum gam lơh ngan pơgồp bal mờ ală gah lơh broă geh gơnoar tàm ală tiah lơh jăt broă tơm priă sền gàr tiah kis brê tàm 7 kơnhoàl mờ [òn dờng Kon Tum.

                               Làng bol càr Kon Tum tus dờp priă lơh jăt broă tam cah ngài mpồl bơtiàn

Tàm anih tơm priă xã Đăk Kôi kơnhoàl Kon Rẫy, bơh àng drim gờ`, geh g^t nđờ 10 nă làng bol kis tàm xã do neh te\ sèng, pơn chèo gòm muh măt, ai dà rào tê lơh kloh vi khuẩn kơ\p dờp priă bơh broă sền gàr tiah kis brê.

Ồng Y Thiên (kòn cau Sơdàng) kis tàm [òn 2, xã Đăk Kôi, kơnhoàl Kon Rẫy pà g^t: Dơ\ do hìu nhă geh dờp mờr bàr jơ\t tơlăk đong bơh broă atbồ, sền gàr rơlao 29 lồ brê. Khà priă do hìu nhă geh ngui dùl bơnah blơi phan sa, phan ngui; khà priă gam tai geh bơcri tàm broă blơi sơntìl phan ròng kờ` tơnguh bơtàu broă lơh sa.

-Tu\ do gam tàm kàl puh pah, mờ gam lơh jăt broă tam cah ngài mpồl bơtiàn kờ` rơcang sơndră mờ kòp Covid-19 tai. Ngai do dà lơgar tơm priă sền gàr tiah kis brê, hìu a` neh tus tàm xã do dờp rơlao 19 tơlăk đong.

Dờp priă a` lòt blơi phe sa, dà màn, boh, dà tơngi kờ` gàr niam tàm rài kis, priă gam tai den blơi dùl nơm kơnrồ me nàng ròng, kờ` deh kòn nàng tơnguh bơtàu broă lơh sa hìu nhă. Geh priă sền gàr tiah kis brê den ring niam rài kis, làng bol pơn jăt tai pal sền gàr brê niam tàm tơngai tus.

Ồng A Tuyên (kòn cau Sơdàng), kis tàm [òn Kon Năng Treăng, xã Đăk Ui, kơnhoàl Đăk Hà pà g^t: Hìu nhă kung dờp sền gàr rơlao 10 lồ brê bơh mờr 5 nam lài.

                 Tơl hìu geh dờp bơh 7 tus 10 tơlăk đong là priă geh uă ngan tàm tơngai kòp gơtòp

Tàm dơ\ tơm priă do, ồng geh dờp 7 tơlăk đong bơh broă sền gàr tiah kis brê. Khà priă dờp di tu\ geh dong kờl 6 nă cau tàm hìu ờ gơtìp jơgloh tàm ală ngai tus.

-Tu\ do, geh dờp priă bơh broă sền gàr tiah kis brê di tu\ den làng bol chờ hờp ngan, tài tu\ do ờ pal lòt lơh broă tài pal ơm tàm hìu tam cah is mờ kung di tàm tơngai puh pah gam mờr tus den tàng jơh phe sa.

Geh priă bol a` geh lòt blơi phe sa, phan ngui drơng tàm rài kis, blơi phơng sih phan tam in kờ` tơnguh bơtàu broă lơh sa, tă priă bơsram sră, blơi ào mpha oh kòn in. Tus dờp priă ală kuang bàng sồr pal pơn chèo gòm muh măt, rào tê lơh kloh vi khuẩn, ntào săp sèng ngài 2 thơ\k hơ\ sồng kơ\p tus cau hòi măt he tus dờp priă.

Gùt càr Kon Tum tu\ do geh rơlao 360 rơbô lồ brê sền gàr tiah kis brê; tàm hơ\ geh di pơgăp 45 rơbô lồ neh geh jào ai 3 rơbô 612 hìu nhă mờ 22 mpồl [òn atbồ sền gàr. Khà gam tai geh jào ală Công ty lâm nghiệp, mpồl atbồ brê hòn is, brê rơcang gàr lài mờ UBND ală xã, thị trấn atbồ, sền gàr.

Priă geh bơh broă sền gàr tiah kis brê neh dong kờl làng bol càr Kon Tum tơmù kal ke tàm kàl puh pah ha là tơngai lơh jăt broă tam cah ngài mpồl bơtiàn tài kòp Covid-19

Jăt ồng A Câu, Phó Chủ tịch UBND xã Đăk Kôi yal, bơh tu\ geh broă tơm priă sền gàr tiah kis brê , ală bă brê jào làng bol in geh sền gàr niam rơlao.

Ồng A Câu pà g^t: Tu\ làng bol geh dờp priă tơm priă sền gàr tiah kis brê, den rài kis geh gơguh, broă tơn jơh jơgloh tơmù rơ[ah tàm xã geh chồl pràn. Tàm hơ\ uă ngan là tàm bơta kal ke tu\ làng bol geh lơh jăt broă tam cah ngài mpồl bơtiàn kờ` rơcang sơndră mờ kòp Covid-19.

-Tàm tơngai kòp Covid-19 gơbàn, rài kis làng bol tìp uă ngan kal ke, tài broă lơh, broă tơnhào kòi, bùm blàng, [ời lời, kơphe gơtìp ơm ing, lơh gơbàn aniai uă ngan tus mờ khà priă geh tàm rài kis.

Broă tơl hìu geh dờp bơh 5 tus 6 tơlăk đong bơh broă sền gàr tiah kis brê geh dong kờl ală hìu tơmù kal ke. Priă do làng bol ngui tàm rài kis broă lơh sa hìu nhă, bơcri tai tàm broă lơh sa kờ` rài kis geh ring niam. Tu\ rài kis geh gàr niam den làng bol kung iang nùs tàm broă sền gàr brê niam rơlao.

Bơh nggùl nhai 4 nam 2020 tus tu\ do, kes priă sền gàr mờ tơnguh bơtàu brê càr Kon Tum neh mờ gam pơgồp bal mờ mpồl sền gàr brê ală kơnhoàl, [òn dờng Kon Tum mờ ală Ngân hàng Liên Việt pos Bank tàm càr Kon Tum lơh jăt broă tơm rơlao 90 tơmàn đong priă sền gàr tiah kis brê ai làng bol in di jăt mờ tơngai geh ai.

Broă tơm priă sền gàr tiah kis brê làng bol in di tu\ geh dong kờl ală hìu làng bol rơcang priă bơcri tàm broă lơh sa, tàm bơta kòp gơtòp ha là blơi phan ngui sa drơng tàm kàl puh pah nàng ring niam rài kis. Broă lơh sa geh tơnguh bơtàu, rài kis ring niam, làng bol geh iang nùs rơlao tàm broă sền gàr ală bă brê gam hòn gơs tơlir niam Tây Nguyên dê.

Cau mblàng Ndong Brawl