VOV4.K’ho- Sơm băt tê bal tam dră wơl mờ kòp Covid-19, đòm jăt nùs nhơm lam lài, bơceh pa bơh rơnàng kơnòm să dê, Tỉnh đoàn Kon Tum neh crơng gơs 12 Mpồl lơh broă dong kờl is dong kờl ală broă lơh rơcăng sơndră mờ kis gơtùi mờ kòp Covid-19.

Mpồl lơh broă dong kờl is tus bal trŭ gơm biăp piang sa tàm tiah ơm yah ngài

Tơnơ̆ tŭ geh crơng gơs tơn, ală Mpồl lơh broă dong kờl is neh dong kờl broă lơh cĭt vaccine rơcăng sơndră kòp Covid-19 tàm ală anih cĭt sơnơm tàm ù tiah càr dê; dong kờl jun pơndiang phan bơna kă bro, dờp phan bơna kă bro, phan ngui sa kờñ pal geh tam pà tus ală tiah ơm yah ngài, anih gròi sền kòp; drơng tàm ală bơnhă trŭ gơm biăp piang sa tàm ală tiah ơm yah ngài. Bal mờ broă crơng gơs 12 Mpồl lơh broă dong kờl is dong kờl ală broă lơh rơcăng sơndră kòp mờ kis gơtùi mờ kòp Covid-19, Tỉnh đoàn Kon Tum kung jơh nùs hòi jà tă pơgồp priă jền, dong kờl măy mok rơcăng sơndră kòp ai ală mpồl lơh broă tàm tiah lam lài tam dră mờ kòp in.

Cau mblàng Lơ Mu K’Yến