VOV4.K’ho - Mang òr (21/06), tàm ƀòn dờng Kon Tum, Tỉnh ủy, HĐND, UBND, UBMT dà lơgar Việt Nam càr Kon Tum bơyai lơh lam sồr mờ dờp priă dong kờl “Kes priă sơnơm vaccine mờ broă sơndră mờ kòp Covid-19 càr Kon Tum”.

 Kuang đơng lam càr Kon Tum jào sră dờp

Tàm dơ̆ pơrjum, tơnơ̆ mờ jơnau hòi jà bơh Chủ tịch UBND càr Kon Tum ồng Lê Ngọc Tuấn dê, gĭt nđờ rơhiang nă cau, mpồl lơh broă, mpồl lơh sa kă bro tàm càr mờ càr bơdìh neh dong kờl mờ dan cih măt dong kờl tàm kes priă. Tơn jơh dơ̆ lam sồr mờ dờp priă dong kờl “Kes priă sơnơm vaccine mờ broă sơndră mờ kòp Covid-19 càr Kon Tum”, Mpồl bơyai lơh neh dờp geh bơh ală anih lơh broă, mpồl lơh broă ală tiah tàm càr bal mờ mpồl lơh sa kă bro, cau geh nùs nhơm niam, ală làng bol tàm càr bal mờ càr ndai kờp jơh khà priă geh rơlao 13 tơmàn đong, tàm hơ̆ geh 250 tơlăk đong bơh Đảng bộ, gơnoar atbồ bal mờ làng bol càr Attapư, lơgar Lào dong kờl tàm broă sơndră mờ kòp Covid-19 càr Kon Tum dê.

Cau mblàng Ndong Brawl