VOVO4.K’ho – Tơngai lài, tàm [òn dờng Kontum, càr Kontum geh dùl mpồl cau geh broă lơh pơhìn, bơ klơn ai phan bơna, kơryan ală cau kă bro blơi dơm kau su geh tac, lơh aniai tus ngap lơngai ờ do ờ dă tàm [òn lơgar mờ lơh aniai tus broă lơh kă bro dipal bơh ală cau dùl nă să, mpồl lơh sa kă bro dê. Tơ nơ\ hơ\ mơ, mpồl cảnh sát lùp khàu Kuang àng [òn dờng Kontum neh di tu\ git go\, kơryan ală broă lơh tràl sơbil do.

Tu\ do tàm [òn dờng Kontum, càr Kontum, tơl lồ kau su tac geh bơh 350 tus 400 tờm, khà priă tac pơgap 1 tơlak priă tàm 1 tờm. Mpồl blơi dơm chi geh ai cau tus tàm suơn nàng òt tờm cèng tac wơl ală anih lơh dơm chi ngui tàm hìu nhă. Mơya geh ờ uă mpồl cau ờ niam tàm [òn lơgar neh tus pơhìn, dilah ờ tong priă halà ờ lơh jat jơnau sồr khi dê den mpồl blơi dơm chi geh gơtìp uă ngan kal ke, geh tu\ gam gơtìp pơhìn tus màng kis. Dùl nă cau lòt blơi dơm kau su dan pồn mat sơnđan pà git:

“A` go\ gơ lơh ờ suk ngan tềng đap bơta do, a` lòt blơi pal sơr lèt gan dùl mpồl lơh kòn gùng, ndrờm bè blơi bơta sền gàr,… go\ gơ lơh ờ suk mờ ờ iang nùs ngan, kơp kờ` anih lơh broă geh gơnoar geh lùp khàu loh làng nàng ală cau kă bro bè a` gơtùi iang nùs lơh sa”.

Bơh dờp git broă gơlik geh, ngai 15/10 pa do, mpồl cảnh sát lùp khàu Kuang àng [òn dờng Kontum neh geh kơrnuat lah yă broă lơh tìs, lah yă cau tìs mờ tơlik kơrnuat kup jàm ing tus mờ 3 nă cau là Nguyễn Hoàng Giao (deh nam 1991, ơm tàm xã Vinh Quang, [òn dờng Kontum) neh geh 2 kơrnuat lơh glài lài do bè ală tìs lơh gơbàn sồt să mờ prap ơn tìs phàu crong ling klàng, là cau lam bồ, bal mờ 2 nă cau tàm mpồl là Nguyễn Quang Tân mờ Trần Quang Huy (ndrờm ơm tàm [òn dờng Kontum) bè tìs “bơ klơn kup ai phan bơna”. Klau Nguyễn Hoàng Giao yal:

“Bơh hòi điện thoại oh geh sồr là dilah kờ` blơi dơm chi hơ\ den pal tong oh in tơl tờm 20 rbô, ai dilah ờ deh tac wơl oh in mờ khà priă 700 rbô tàm 1 tờm.”

Mpồl do neh bơ klơn dùl nă cau kă bro tàm càr Gialai tus Kontum nàng blơi dơm kau su, dilah kờ` lơh broă sùm tàm tiah do den pal tong priă khi in. Cau kă bro do neh pal tong bol khi in 10 tơlak priă.

Tu\ do broă gơlik geh gam geh mpồl cảnh sát lùp khàu Kuang àng [òn dờng Kontum pơnjat tai lùp khàu, lơh loh. Ală mpồl bal, cau 1 nă să blơi dơm kau su geh tac, pal khin cha lah yă ală broă lơh tìs adat boh lam bơh ờ uă bol ờ niam dê tus mờ kuang àng in git, nàng di tu\ geh broă lơh bơsong jat jơnau cih adat boh lam dê, pơgồp bơnah gàr kơ\ ngap lơngai tàm [òn lơgar.

            Cau cih mờ yal tơnggit K’Duẩn