VOV4.K’ho - UBND càr Kon Tum pa bơyai lơh pơrjum pờ tơlĭk tàm internet mờ ală kơnhoàl, ƀòn dờng dơ̆ pơrjum bè ờs nhai 3 nàng sền wơl broă tơnguh bơtàu lơh sa mpồl bơtiàn quý I; lơh jăt gùng dà broă lơh, kơnòl quý II.

                                                                Anih pơrjum

Tàm quý I nam 2021, bŭ lah pal gơtìp mờ ală kal ke, tơlòng gơrềng bơh kòp Covid-19, broă lơh sa mpồl bơtiàn càr Kon Tum pơn jăt tai ring niam, tơnguh bơtàu mờ geh uă cồng nha, gàr niam broă lơh gơs “Jơnau kờñ dơ̆ lĕ bal”.

Nàng lơh niam ală khà broă geh ai, khà tơnguh bơtàu lơh sa mpồl bơtiàn nam 2021, tàm quý II, UBND càr Kon Tum ai tơĭk tơngu me ờ uă kơnòl tòm: Lơh jăt rơndăp broă lơh sa kàl lơh sa nam 2021; sền wơl bă ù sre sùm gơtìp ờ tơl dà, lam sồr làng bol tam gơl tam phan ndai geh cồng nha; rơcang tơl sơn tìl mờ ală bơta pal geh nàng tam 3 rơbô lồ brê mờ 5 tơlăk tòm chi tam ờ tơrgùm tàm càr, lơh ngan tam geh 900 lồ brê.

Cau mblàng Ndong Brawl