VOV4.K’ho- Mho ngai 07/4, Ủy ban Nhân dân càr Kon Tum mờ Hìu bơsram Đại học Tây Nguyên bơyai lơh dơ̆ kĭ hơ broă lơh lơh broă bal tàm broă lơh bơto bơtê, kơlôi sơnơng khoa học mờ tàm jàu công nghệ tơngai bơh nam 2021 - 2025.

Anih tàm dơ̆ kĭ hơ

Jơnau kờñ bơh broă lơh dê là nàng kờñ lơh jat niam geh cồng nha bơta pràn, bơta kuơ bơh tơl gah dê nàng bơtàu tơnguh tàm ală gah, hơ̆ là: lơh broă bal bơto bơtê mpồl cau geh bơta jak chài uă jat ală gah mờ ală gah sền gròi bal nàng kờñ ngui niam ală bơta pràn bè bơto bơtê bơh hìu bơsram dê mờ jơnau kờñ bơto bơtê bơh càr Kon Tum dê drơng broă bơtàu tơnguh bal 2 gah; pơgồp bal kơlôi sơnơng khoa học mờ tàm jàu công nghệ nàng kờñ bơtàu tơnguh ală phan bơna tờm, phan bơna geh bơta pràn, bơta kuơ bơh càr Kon Tum mờ tàm tiah Tây Nguyên dê, mơkung ngui geh cồng nha phan kuơ geh is gam geh tŭ do tàm bơta tam gơl trồ tiah, tơnhào mờ ngui geh cồng nha bơta pràn, bơta ƀuơn bơh càr Kon Tum dê tàm kơlôi sơnơng khoa học mờ tàm jàu công nghệ, bơtàu tơnguh drà kă bro drơng broă khoa học mờ công nghệ, sền gròi rài kis, pràn kơl dang să jan ai làng bol in mờ prap gàr bơta niam chài jơi bơtiàn kòn cau tàm tiah Tây Nguyên dê.

Cau mblàng K’ Hạnh