VOV4.K’ho-Tàm ală nam rềp ndo tàm tiah Tây Nguyên, bơta trồ tiah ngai sơlơ ờ niam ngan, ờ bè ờs, ờ di bè lài, ờ di bè bơta pal jat, neh lơh gơlik ală hoàc hươr uă ngan jơh bal bè màng kis kòn bơnus mờ phan bơna.

Nam do, bulah tơngai do rơ\p mìng pa mu\t tàm kàl mìu dà ko\ dà cò, mơya gơnoar atbồ mờ làng bol ală càr tàm Tây Nguyên neh geh sùm jơnau kơlôi rơcang ngòt trồ tiah lơh aniai.

Tàm ală dơ\ mìu bồ kàl tơn tàm bồ nhai 3 mờ gùl nhai 5 pa do neh lơh hoàc hươr uă bè phan bơna tàm ù tiah [òn dờng Kon Tum, càr Kon Tum. Tàm ală xã:  Đăk Năng, Ngọc Bay, Đoàn Kết… mìu piar geh bal càl gơ pồt dờng lơh gơ pừ mờ gơ pồ rơkàng hìu pơgăp 200 nơm hìu làng bol dê; tơrlah tơrlơm dùl nơm hìu yàng gam lơh, 2 nơm hìu rông mờ càl khồm par gơ pồ uă rơkàng cơldu\ bơsram.

                         Càl gơ pồt pràn bồ kàl mìu neh lơh kau su tàm Đăk Năng gơtìp pă gơ pừ jơh

Càl gơ pồt kung lơh gi\t nđờ jơ\t lồ kau su gơtìp pă gơ pừ, hoàc hươr bè lơh sa gơ wèt mờ làng bol là uă ngan. Bi A Do Le ơm tàm [òn Rơ Wak, xã Đăk Năng kung gam ờ hềt jơh sơl nrơ\t ndơl tài bơh mìu geh bal càl khồm gơ pồt dờng tàm mho mang ngai 16/5 pa do neh lơh gơ pừ jơh rlau 1 lồ kau su gam còr bơsơ\t.

 “Trồ geh kơnàs mờ geh mìu rah rài. Tơnơ\ hơ\ là càl dờng gơ pồt lòt tus đah lơi là he kung ờ chài gi\t sơl. Hìu bềp hơ\ sồng càl puh gơ par gơlềng gơlàng jơh. Chi che pă gơ pừ jơh uă ngan, a` sền go\ mìu dờng mờ càl pràn ir den tàng a` ngòt ờ khin pờ mpồng.

Hoàc hươr uă ngan gơ wèt mờ hìu bơnhă a`, muăt jrùm ngan mang ờ gơtùi bi\c lơ hă tai. Kơlôi rơcang ngòt priă lơh geh tàm hìu bơnhă ờ gi\t kơnờm bơh tàm tiah lơi tai, ờ git jòi bơh tiah lơi nàng geh. Kơnờm mờ tờm kau su lơm mơya tu\ do kau su neh bè do den mbè gơtùi”.

Bulah gơnoar atbồ ală kấp bơh càr Kon Tum dê neh rơcang lài tàm broă bơ\t bơtàu broă rơndăp lơh rơcang sơndră trồ tiah lơh aniai, sồr lơh jat niam broă lơh 4 tơn dùl bă tiah. Mơya, tài bơh ù tiah [òn lơgar kal ke, uă tiah gơ pơhìn sùm, digơlan gơtìp dà ko\ dà cò, tơrlah ù uă den tàng hoàc hươr ngan ngồn là jơnau ờ gơtùi pleh klàs tàm nhai mìu dà ko\ dà cò nam do.

Dùl anih tơrlah ù tàm gùng càr 676 lòt gan kơnhoàl Kon Plong tàm kàl mìu dà ko\ dà cò nam 2017 

Đăk Glei là kơnhòal r[ah, kờp jơh tă dia dà lơgar dê tàm gùt nam mìng geh pơgăp 21 tơmàn priă lơm, mơya trồ tiah neh lơh hoàc hươr rlau nggùl. Mu\t tàm kàl mìu dà ko\ dà cò nam do, gam uă sơl hoàc hươr bơh nam lài dê ờ hềt geh lơh niam wơl.

Den tàng bè hơ\, tơrlah ù, kòl gùng digơlan gơlik geh khat tu\ lơi tàm ală gơl gùng lòt bơh kơnhoàl tus tàm ală xã: Đăk Nhoong, Đăk Blô; gùng càr lòt tus ală xã: Đăk Choong, Mường Hoong, Ngọc Linh… Ồng Trịnh Xuân Lộc, Phó Chủ tịch UBND kơnhoàl Đăk Glei, pà gi\t:

“Kal ke mờ gơtùi gi\t là sền go\ lài geh là tài bơh ù tiah [òn lơgar kơh lơm, ù tiah koh gơl. Ală gơl gùng digơlan gơ aniai tơn tài bơh mìu dờng jo\ jòng gơtìp gơmù ù gơdùh ù lơh kòl gùng lòt.

Dơ\ bàr tai là lơh gơbam dà tàm ală tiah làng bol ơm kis. Dơ\ pe là aniai tus phan tam. Bè kal ke ờ rơcang lài bơh tiah do dê là bơta pràn priă jền nàng dong kờl, bơsong broă dong kờl geh sơl ală bơta ờ hềt pràn”.

Bal mờ ală gùng lòt tàm càr, gùng lòt tàm kơnhoàl tàm 3 kơnhoàl: Đăk Glei, Tu Mơ Rông mờ Kon Plông digơlan gơtìp kòl gùng khat tu\ lơi tu\ geh mìu dà ko\ dà cò dờng. Tàm ù tiah càr Kon Tum, ală gơl gùng rơndeh dờng, bè gùng: Hồ Chí Minh, gùng rơndeh dờng 40B, gùng rơndeh dờng 24, gùng Trường Sơn Đông tàm tơrbo\ bal đah càr Kon Tum mờ tiah tàm gùl lơgar mờ ală càr Tây Nguyên kung [ươn ngan gơtìp kòl gùng tài bơh tơrlah ù mờ gơbam jrô dà tàm nhai mìu dà ko\ dà cò.

Bal mờ hơ\, bơta sền gàr niam ờdo ờdă ală tơnau dơng dà hìu măy pờ tơlik ồs đèng; 175 nơm bơtơ\t rbòng dà, tàm hơ\ geh: 71 tơnau dơng dà, 97 bơtơ\t dơng ngơr dà, 7 trạm [ồm đèng kung là bơta bòl glar ngan sơl. Ồng Nguyễn Hữu Nghĩa, Trưởng Phòng kỹ thuật Mpồl atbồ lơh mờ ngui ală bơtơ\t rbòng dà càr Kon Tum, pà gi\t:

 “Ală bơtơ\t tơnau dơng dà tu\ do gơ ơm rah rài tàm jơh ală 9 kơnhoàl mờ [òn dờng bơh càr dê. Den tàng bè hơ\, anih bơtơ\t tơnau dơng dà ngài mờ ù tiah brê bơnơm koh gơl lơm den tàng kal ke ngan tàm broă lòt rê, lòt sền. Dơ\ 2 tai là ală bơtơ\t tơnau dơng dà neh lơh bơh jo\ ngan tus tu\ do kung gam ờ hềt geh lơh niam wơl den tàng neh gơtìp tơrlah ờ diơng uă ngan.

Bơta ndai, đah bồ tô dà bơh ală bơtơ\t tơnau dơng dà dê nho\t chi che ờ huan geh uă tai den tàng bè hơ\ tu\ geh mìu den bo\ mờ bràs mờ chi che gơ hòr rê tus tàm dơlam tơnau dà uă ngan lơh kal ke ngan tàm broă đơng lam yuh dà rơcang sơndră dà ko\ dà cò mìu càl rbu\t dờng”.

Bơta geh ngan pà go\, ală nam rềp ndo, tiah Tây Nguyên đơs bal mờ càr Kon Tum đơs is sùm gơtìp aniai mờ aniai tơn bơh mìu nhàc dê kung bè ală dơ\ mìu càl rbu\t dờng.

Tàm tu\ hơ\, ù tiah bơnơm kơh uă ngan, koh gơl geh uă tiah làng bol ơm kis, phan bơna gơ ơm tàm tiah [ươn gơtìp dà ko\ dà cò, tơrlah ù den tàng nam do, bulah rơ\p pa mu\t tàm bồ kàl mìu dà ko\ dà cò, mơya jơnau kơlôi rơcang ngòt trồ tiah lơh aniai neh geh sùm gơ wèt tus mờ gơnoar atbồ bal mờ làng bol tàm tiah do!

Cau mblàng Lơ Mu K’Yến