VOV4.K’ho - Tàm ală ngai do, làng bol ală kòn cau tàm càr Kon Tum neh ơm ing ală broă lơh tàm suơn tàm mìr kờ` bơka hìu đam mờ chờ gờm satềp Mậu Tuất!

Mờ broă lơh ngan ờ lời gơbàn geh hìu rơ[ah lơi ờ tơl phan sa, phan ngui tàm ală ngai satềp, gơnoar atbồ, mpồl lơh broă bal mờ ală mpồl lơh broă tàm mpồl bơtiàn càr Kon Tum neh geh uă broă lơh drơng gàr satềp ai cau rơ[ah in.

Tơnơ\ mờ ală ngai mờr satềp Mậu Tuất 2018, hìu nhă bi A Kin, kis tàm [òn Đăk Đông, xã Ngọc Tụ, kơnhoàl Đăk Tô, càr Kon Tum geh ntrờn tus hìu pa nàng ơm niam bơne\ mờ kơl jăp.

Tam pà bal mờ nùs nhơm chờ hờp do, bi A Kin pà g^t, a` ờ kơlôi tus lơh gơs hìu niam bè do, tài hìu nhă a` rơ[ah, piang sào ờ tơl. Geh lơh 30 tơlăk priă geh Uỷ ban mặt trận Dà lơgar Việt Nam càr Kon Tum dong kờl 17 tơlăk priă, hìu nhă tă pơgồp bal mờ ngai lơh broă bơh [òn lơgar dê tai, hìu pa neh dong kờl hìu nhă bi A Kin bơh satềp do tơn jơh rài kis tàm hìu sèt.

Tàm hìu tam klăc dờng pa geh lơh, gam [ô thồm dà vôi, ală phan pà mờ ală mpồl lơh broă, mpồl bơtiàn pà neh cèng nùs nhơm satềp kờ` tus mờ hìu nhă bi. Bi A Kin chờ hờp đơs:

-Tu\ do a` neh geh hìu, a` go\ ală cau tàm hìu nhă ndrờm chờ hờp lơm, gơboh gơbài ngan. Lài do kal ke, hìu sèt, tu\ do Dà lơgar dong kờl a` lơh hìu, a` ưn ngài Dà lơgar uă ngan.

Tơnơ\ do, lơh ngan tơriang tơriồng tàm broă lơh sa kờ` tơl ngui tơl sa rơlao. Să tòm a` kung lơh ngan rơlao tai sơl tàm broă lơh sa.

Kờ` geh uă hìu nhă geh tai bơta chờ satềp, ba` geh hìu rơ[ah lơi pal gơbàn ờ tơl phan sa tàm ală ngai satềp, gơnoar atbồ 102 xã, sơnah [òn, thị trấn càr Kon Tum neh bơyai lơh 1 dơ\ lòt sền wơl mờ gùng dà broă lơh “Tus tơl hìu, teh tơl mpồng” tơl^k khà măt mùl màl tơl hìu làng bol di gơlan gơbàn jơgloh.

Gơwèt mờ ală xã tàm tiah sar lơgar ngài, tiah làng bol kòn cau mờ tiah nhàr dà lơgar, broă drơng satềp ai hìu rơ[ah geh jào mùl màl ai gơnoar atbồ [òn, mpồl lơh broă tàm [òn hơ\ bal mờ ală mpồl lơh oh mi bal tus mờ tơl xã, [òn.

Ồng A Nhập, Phó Chủ tịch UBND xã tiah nhàr dà lơgar Đăk Blô, kơnhoàl Đăk Glei, do là xã geh mờr 400 hìu làng bol kòn cau Jeh Triêng, tàm hơ\ geh 160 hìu rơ[ah pà g^t:

-Tu\ do, ală hìu rơ[ah, hìu geh sră dong kờl bơh dà lơgar geh dờp phan satềp, bơh bồ nhai 2 là bơyai lơh pà phan ală hìu rơ[ah in. Kung neh bơyai lơh sền wơl hìu rơ[ah mờ di gơlan gơbàn jơgloh tàm satềp.

Bơdìh mờ ală bơta hơ\, den gùng dà broă lơh bal mờ Ban Thường vụ Đảng uỷ đơng lam gam rơcang ngai chờ klơm mbar tàm 4 [òn geh uă hìu rơ[ah, hìu geh sră dong kờl bơh dà lơgar geh xã sền gròi ngan. 100% khà hìu rơ[ah geh wă rò satềp tơl, geh tơl phan sa ha là phan pà satềp di tàm satềp.

Kung tàm kơnhoàl Đăk Glei, do là 1 tàm ală kơnhoàl tiah ngài kal ke ngan càr Kon Tum dê, broă gàr niam kờ` ba` geh hìu làng bol lơi pal gơbàn jơgloh, mrềt di tàm satềp là broă gam geh gơnoar atbồ kơnhoàl ai lơh lài ngan.

Pa do, kơnhoàl neh tă 500 tơlăk priă blơi mờr 1 rơbô nơm ồi tơ\ mờ rơlao 700 nơm ào ram kờ` pà 6 xã đah tô kơnhoàl in, tàm hơ\ geh: Mường Hoong, Ngọc Linh, Xốp, Đăk Choong, Đăk Blô mờ Đăk Man.

Ồng A Thanh Sắc, atbồ Phòng Lao động, Thương binh mờ Xã hội kơnhoàl pà g^t, mìng is gơwèt mờ hìu rơ[ah, hìu geh broă dong kờl bơh mpồl bơtiàn, anih lơh broă do neh rơcang dan ai geh kờ` hìu lơi kung geh chờ hờp satềp:

-Bol a` dan ai broă dong kờl jơgloh di satềp ai 1 rơbô 12 hìu mờ broă ai 61 rơbô 215 k^ phe, tơl nă cau geh 15 k^. 120 nă cau gơwèt broă dong kờl bơh mpồl bơtiàn tu\ do kơnhoàl neh ai 34 tơlăk priă, tơl nă geh 200 rơbô priă.

Bol a` lơh ngan lơh jăt niam ală bơta do mờ kơnhoàl Đăk Glei ờ geh hìu lơi gơbàn jơgloh mờ mrềt noăt tai tàm tơngai satềp.

Bal mờ gơnoar atbồ, broă tus bal bơh ală anih lơh broă, mpồl lơh broă, anih lơh sa kă bro bal mờ mpồl lơh broă ndai tàm broă drơng satềp kung neh lơh cau rơ[ah tàm càr Kon Tum ram nùs.

Nam do, tàm ală [òn làng bol kòn cau tàm càr ndrờm geh bơyai lơh ngai chờ klơm mbar. Tơngu me tòm bơh broă lơh do là kờ` geh nùs nhơm chờ satềp, wă rò nam pa mờ kờ` ală hìu rơ[ah geh 1 yô mbar satềp.

Uă dơ\ lòt “Ai satềp tus mờ làng bol” tàm càr Kon Tum neh geh lơh tàm ală ngai do. Ồng A Vượng, Bí thư Huyện uỷ Đăk Hà pà g^t:

-Dùl, bàr nhai pa do, geh uă ngan mpồl cau lơh broă nùs nhơm dong kờl is tus pơgồp bal mờ kơnhoàl kờ` pà phan ai hìu rơ[ah, hìu làng bol kòn cau tàm kơnhoàl do in.

UBND kơnhoàl, gơ\ sồng UBMT kơnhoàl kung neh geh sră nggal pơyoa tus mờ ală anih lơh sa kă bro dà lơgar, ală anih lơh sa kă bro cau 1 nă să lơh is, ală mpồl lơh broă, ală cau geh nùs nhơm niam tàm kơnhoàl tơrgùm dong kờl kờ` tơrgùm drơng satềp hìu rơ[ah, hìu ndrờm mờ rơ[ah.

Bơdìh hơ\ tai, kơnhoàl kung lam sồr tàm ală kuang bàng, công chức tơl nă tă dong kờl 50 rơbô priă kờ` lơh jăt broă bơyai lơh ngai chờ klơm mbar tàm ală [òn tiah làng bol kòn cau ai làng bol in satềp.

Ờ mìng satềp geh tơrgùm bal mờ gam là satềp tam pà bal, satềp gơboh bal, di tàm satềp Mậu Tuất 2018, geh di pơgăp 43 rơbô nă cau tàm rơlao 34 rơbô 500 hìu rơ[ah, ndrờm mờ rơ[ah tàm càr Kon Tum geh dong kờl phe bal mờ priă kờ` satềp.

“Cèng satềp tus mờ tiah sar lơgar ngài”, “Ai stầep tus mờ cau rơ[ah” gam là broă lơh kuơ màng geh càr Kon Tum lơh mhar gơs lài mờ nam pa tus.

Cau cih mờ yal tơng^t Ndong Brawl