VOV4.K’ho - Tềng đăp mờ bơta kal ke bơh kòp Covid-19 tàm ƀòn dờng Đà Nẵng, bơh ngai òr (21/06), Sở Giao thông Vận tải càr Kon Tum neh sồr ơm ing broă pơn diang năc mpồl bơtiàn lòt tus tàm tiah do.

Bơdìh hơ̆ tai, broă pơn diang năc mpồl bơtiàn (jăt gơl gùng geh ai, rơndeh hợp đồng, rơndeh taxi, rơndeh nhơl chờ) geh gùng lòt gan ƀòn dờng Đà Nẵng den ờ gơtùi ơm nàng rò năc tàm càr Kon Tum. Gơwèt mờ ală cau kuơ màng lòt, tus ƀòn dờng Đà Nẵng tài geh broă kuơ màng, rơndeh pơn diang cau kòp, cau neh jơh tơngai tam cah is, rơndeh pơn diang drơng ala tàm broă sơndră mờ kòp bal mờ ală cau geh kuơ màng ndai neh geh jơnau ai bơh anih lơh broă geh gơnoar. Sở Giao thông Vận tải càr Kon Tum jào Thanh tra Sở pơn jăt tai pơgồp bal mờ mpồl lơh broă geh gơnoar tơnguh broă bơto sồr, sền gròi mờ lơh nền nòn broă lơh jăt ală broă sơndră mờ kòp gơtờp tàm rơndeh lòt tàm gùng.

Cau mblàng Ndong Brawl