VOV4.K’ho - Càr Kon Tum geh gùng nhàr dà lơgar jòng rơlao 280 kơi sồ rềp mờ lơgar Lào bal mờ lơgar Campuchia. Tàm ală nam do, mpồl ling sền gàr tiah nhàr dà lơgar càr Kon Tum neh tơrgùm bơ\t bơtàu niam broă gùt làng bol sền gàr pràn kơl dang tàm 2 gơl gùng nhàr dà lơgar.

Do là cồng nha bơh broă tơnguh bơta pràn tơrgùm bal bơh ală ròt chính trị bal mờ làng bol kis tàm do, tàm broă sền gàr gơnoar ù tiah, bơta lơngăp lơngai tiah nhàr dà lơgar.

Jòng rơlao 280 kơi sồ, rềp bal mờ 2 lơgar Lào mờ Campuchia, tàm gùng nhàr dà lơgar càr Kon Tum geh 101 [òn, gơwèt 13 xã bơh kơnhoàl: Đăk Glei, Ngọc Hồi, Sa Thầy mờ Ia H’Drai.

 Mpồl ling sền gàr tiah nhàr dà lơgar, mpồl ling gàr [òn bal mờ kuang àng lòt sền gròi gùng nhàr dà lơgar bal mờ `jrong nhàr dà lơgar

Kờ` sền gàr kơl jăp gơnoar ù tiah bal mờ bơta lơngăp lơngai tàm tiah nhàr dà lơgar, mpồl ling sền gàr tiah nhàr dà lơgar càr Kon Tum ai, 1 tàm ală kơnòl tòm là pal tơnguh geh bơta pràn tơrgùm bal bơh ală mpồl lơh broă bal mờ làng bol kis tàm ală [òn.

Geh kơnòl sền gàr gơl gùng nhàr dà lơgar jòng 15 kơi sồ rềp mờ lơgar Campuchia tàm xã Sa Loong, kơnhoàl Ngọc Hồi, Thiếu tá Phạm Trọng Bình, atbồ pôs ling sền gàr tiah nhàr dà lơgar Sa Loong pà g^t:

-Mpồl ling sền gàr tiah nhàr dà lơgar là mpồl lơh broă tòm tàm broă sền gàr tiah nhàr dà lơgar, mơya bơdìh hơ\ tai pal geh broă pơgồp bal bơh ală mpồl lơh broă tàm do bal bè: kuang àng, ling klàng, mpồl sền gàr brê, UBND xã Sa Loong tàm broă tam dră, sơndră mờ gàr kơl jăp gơnoar ù tiah tàm nhàr dà lơgar.

Pơgồp bal mờ ală mpồl lơh broă tàm broă sền gròi, sền gàr ù tiah, tàm hơ\ uă ngan là tàm tu\ geh uă bơta bè kàl prang, dơ\ satềp, ngai kuơ màng mờ ală ngai dờng màng dà lơgar dê.

Kơnờm mờ broă tơnguh geh bơta pràn tơrgùm bal, tàm ală nam do, Pôs ling sền gàr tiah nhàr dà lơgar Sa Loong ờ lời gơbàn broă lơh tìs tus mờ gơnoar ù tiah; sền gàr niam, kơl jăp ờ do ờ dă 2 tiah tòm là `jrong sồ 3 mờ sồ 4 bal mờ 12 `jrong lơh tềl, `jrong lơh ing; ờ lời gơbàn lơh mus kơl chi brê, jòi phan geh is ờ di mờ adăt boh lam tàm ù tiah geh atbồ.

                                       Sền gàr `jrong nhàr dà lơgar 3 lơgar Việt Nam - Lào - Campuchia

Ồng Quách Hữu Trường, lơh broă tàm mpồl kuang àng xã Sa Loong pà g^t: broă pơgồp bal niam bơh pôs ling sền gàr tiah nhàr dà lơgar, Mpồl đơng lam ling klàng, Kuang àng xã Sa Loong bal mờ làng bol tàm xã neh gơs bơta pràn uă tăp, uă tiah sền gàr kơl jăp bơta lơngăp lơngai ờ do ờ dă tàm xã:

-Pe mpồl ling klàng làng bol, cau ling sền gàr tiah nhàr dà lơgar, kuang àng xã lòt sền gròi, sền gàr gùng nhàr dà lơgar, `jrong nhàr dà lơgar. Bơh tu\ hơ\ kung là mpồl ling tòm bè broă sền gàr bơta lơngăp lơngai dà lơgar.

Tàm xã mpồl kuang àng kung sùm lam sồr làng bol in wă bè adăt boh lam, broă lơh bơh Đảng mờ Dà lơgar dê. Ală [òn ndrờm geh mpồl sền gàr [òn tòm. Ală [òn geh k^ hơ bal lơh gơs [òn niam ờ do ờ dă bè bơta lơngăp lơngai.

Kơnờm mờ broă rơcang lài, ờ lời gơbàn ờ thàn, ni sơna, tàm ală nam do, mpồl ling sền gàr tiah nhàr dà lơgar càr Kon Tum neh lơh gơs kơnòl sền gàr tiah nhàr dà lơgar, mpồng nhàr dà lơgar mờ tam dră geh cồng nha mờ ală mpồl cau tìs tàm gùng nhàr dà lơgar.

Dơ\ ku\p Thao Ếf, cau lơgar Lào gam pơn diang rơlao 10 rơbô nai ma tuý tổng hợp lồi nhai 7 nam 2017; broă geh pơgồp bal bơh kuang àng càr Attapư, logar Lào ku\p 2 nă cau sơnđan Thao Lạt mờ Thao Hố gam tăc 40 mpờng heroin tàm nhai 11 nam 2017; ha là tàm dơ\ tam dră mờ sơndră mờ kă bro blơ\ blăc, pơrlồm tàm broă kă bro mờ phan ờ ngan di satềp Mậu Tuất 2018 pa do, ală kuang bàng, cau ling tàm pôs ling sền gàr mpồng nhàr dà lơgar dunia Bờ Y neh ku\p geh uă cau kă bro blơ\ blăc, ku\p geh mờr 2 tấn pháo ală bơta… là cồng nha bơh broă pơgồp bal niam bơh ală mpồl lơh broă mờ kơnờm mờ măt, tồr làng bol kis tàm tiah nhàr dà lơgar tai.

Đơs bè broă pơgồp bal bơh mpồl ling sền gàr tiah nhàr dà lơgar bal mờ gơnoar atbồ mờ ală mpồl lơh broă geh gơnoar tàm broă sền gàr gùng nhàr dà lơgar, `jrong nhàr dà lơgar mờ tam dră mờ ală bơta tìs, Thượng tá Hà Văn Trịnh, atbồ pôs ling sền gàr mpồng nhàr dà lơgar dunia Bờ Y pà g^t:

-Pôs ling sền gàr mpồng nhàr dà lơgar Bờ Y bal mờ Đảng uỷ, UBND xã Bờ Y sùm bơyai lơh ală dơ\ pơrjum tam jào broă lơh kờ` cri bơyai bè ală bơta.

Pah nhai geh ờ uă ngan là 2 dơ\ pôs ling sền gàr mpồng nhàr dà lơgar bal mờ kuang àng, ling gàr xã bơyai lơh lòt sền gròi tàm gùng nhàr dà lơgar, sền gròi tàm xã kờ` gàr niam bơta lơngăp lơngai chính trị, niam ờ do ờ dă mpồl bơtiàn.

Pơgồp bal mờ mpồl sền gàr gùng nhàr dà lơgar lơh lơgar rềp bal tềng mpồng nhàr dà lơgar dunia Bờ Y neh sùm bơyai lơh pơrjum tam jào broă lơh jăt tongai. Bơyai lơh pơgồp bal tàm broă sền gròi bal, sền gròi tiah nhàr dà lơgar kung là sền gàr kơl jăp ală `jrong, `jrong lơh tềl nhàr dà lơgar geh 2 pôs ling dờp sền gròi.

Mùl màl pà go\, kờ` tơnguh geh bơta pràn tơrgùm bal bơh ală mpồl tàm broă sền gàr kơl jăp gơnoar ù tiah, bơta lơngăp lơngai gùng nhàr dà lơgar jòng rơlao 280 kơi sồ rềp mờ 2 lơgar Lào mờ Campuchia, mpồl ling sền gàr tiah nhàr dà lơgar càr Kon Tum neh lơh niam broă sền gròi ù tiah, g^t go\ ală bơta; rơcang dong kờl, pơlam ai cấp uỷ, gơnoar atbồ xã in lơh niam mờ gơnguh uă bơta niam tàm broă lơh đảng, gơnoar atbồ, mpồl lơh broă; tơnguh gơnoar bơh cau geh bơngă pin dờn, mpồl ling rơcang gàr lài, mpồl rơcang tam lơh bal mờ làng bol tàm gùng nhàr dà lơgar.

Bal mờ hơ\, bơh ală broă lơh mùl màl bè: sa bal, ơm bal, dong kờl làng bol tàm broă tơn jơh jơgloh, tơmù rơ[ah mờ tơnguh bơtàu broă lơh sa, nùs nhơm niam bơh làng bol tàm xã gơwèt mờ kuang bàng, cau ling sền gàr tiah nhàr dà lơgar sơlơ ngai sơlơ đềt mềr mờ kơl jăp rơlao.

Cau cih mờ yal tơng^t Ndong Brawl