VOV4.K’ho- Drim ngai 22/7, tàm ƀòn dờng Kon Tum, Ủy ban Nhân dân càr Kon Tum bơyai lơh Dơ̆ yal ală Kơrnoat bơh Cục geh gơnoar ngui bồ tơngoh jak gơwèt Bộ Khoa học mờ Công nghệ dê pà sră cơng tàng lơh sră cih mat gơwèt mờ 11 phan bơna bơh càr dê.

11 phan bơna bơh càr Kon Tum dê geh Cục geh gơnoar ngui bồ tơngoh jak gơwèt Bộ Khoa học mờ Công nghệ Việt Nam dê pà sră cơng tàng lơh sră cih mat, tàm hơ̆ geh: Kơnuh sơnơm Ngọc Linh Kon Tum, Kơphê tiah mrềt Kon Tum mờ 9 phan bơna lơh sơnơm, hơ̆ là; Bơsềt Linh Chi, Đảng sâm, Đương quy, Tòng bơñà, Ý dĩ, Đinh Lăng, Rơmĭt rơmĭt, Ngũ vị tử, Sa nhâm dum phồng. Do ndrờm là ală phan bơna tờm mờ mùl gŏ is ngan bơh càr Kon Tum dê. Ủy ban Nhân dân càr Kon Tum pà gĭt, broă 11 phan bơna bơh càr dê geh pà sră cơng tàng lơh sră cih mat geh bơta kuơ dờng màng ngan gơwèt mờ cau tờm lơh gơlik, kă bro mờ cau ngui sa.

Cau mblàng Lơ Mu K’Yến