VOV4.K’ho- Drim òr (023/03), tàm anih tờm lơh sră nggal càr, ban Thường trực Ủy ban Mặt trận dà lơgar Việt Nam càr Lâm Đồng bơyai lơh pơrjum pờ tơlĭk tàm internet gùt càr nàng bơto sồr broă bơyai lơh ai jơnau pơgồp bal bơh cau tĕ khà tàm ƀòn ơm kis gơwèt mờ ală cau tơlĭk măt tĕ khà kuang bàng Quốc hội khoă 15, kuang bàng HĐND ală cấp tơngai lơh broă bơh nam 2021 tus 2026.

               Ală kuang bàng tus bal pơrjum tàm anih sơnrờp pờ tơlĭk tàm internet ƀòn dờng Dà Làc

Pơrjum geh bơyai lơh pờ tơlĭk tàm internet tus 12 anih tàm kơnhoàl, ƀòn dờng tàm gùt càr. Bơh pơrjum, pơgồp jơnau đơs mờ pin dờn tơnpồ bơh cau tĕ khà tàm ƀòn ơm kis, ban Thường trực Ủy ban Mặt trận dà lơgar ală cấp geh tơngu me sền wơl tơl ală bơta, di pal ală kuang bàng tơlĭk măt tĕ khà nàng cri bơyai lơh sră cih măt cau geh tơl bơta niam, geh pơnrơ jăk, di pal mờ jơnau pin dờn bơh cau tĕ khà tàm pơrjum cri bơyai dơ̆ 3.

Pơrjum do ai pơgồp jơnau đơs pal nền nòn, ai tơl bơta nàng cau tĕ khà tơnguh gơnoar lơh tờm, pơgồp jơnau đơs gơwèt mờ ală kuang bàng geh tơlĭk măt. Tơngai bơyai lơh pơrjum cau tĕ khà gơwèt mờ kuang bàng tơlĭk măt geh lơh tàm tơngai bơh ngai 21 nhai 3 tus ngai 13 nhai 4.

Cau mblàng Ndong Brawl