VOV4.K’ho- Mpồl cau lơh sa kă bro kơnòm să lơgar Việt Nam pa pơgồp bal mờ Tập đoàn TTC mờ Mpồl cau lơh sa kă bro kơnòm să càr Lâm Đồng bơyai lơh jào pà 1 rơbô nơm phan xét nghiệm Sars CoV-2 ai càr Lâm Đồng in drơng tàm broă lơh di tŭ rơcang sơndră mờ kòp Covid-19.

Đơs tàm dơ̆ pơrjum, ồng Trần Mến, Chủ tịch HĐQT Tập đoàn TTC Lâm Đồng đơs: Gùt lơgar ndrờm tơnguh ală broă sơndră mờ kòp gơtờp, uă càr, ƀòn dờng neh lơh jăt broă tam cah ngài mpồl bơtiàn, mhar jòi ală cau neh tìp rềp mờ cau gơtìp kòp mờ kơrian uă tiah. Ƀòn dờng Dà Làc là ƀòn dờng nhơl chờ, den tàng broă sền gròi niam kòp gơtờp geh lơh niam ngan tus mờ broă tơmù gơtờp kòp tàm mpồl bơtiàn, tơmù ờ uă ngan bơta aniai tus mờ broă tơnguh bơtàu lơh sa mpồl bơtiàn, tàm hơ̆ uă ngan là gah nhơl chờ. Mờ lơh broă mhar nàng gàr geh ƀòn dờng ờ geh cau lơi gơtìp kòp geh pơgồp bal tàm broă ai broă nhơl chờ càr Lâm Đồng brồ guh mhar tơnơ̆ mờ tŭ kòp gơtờp geh sền gròi.

Cau mblàng Ndong Brawl