VOV4.K’ho - UBND càr Lâm Đồng pa geh rơndăp broă dong kờl mu\t lơh broă tam gơl pa bơceh pa tus nam 2020.

Jăt mờ hơ\, khà geh ai: tus nam 2020 lơh gơs 100 rơndăp broă mu\t lơh broă tam gơl pa bơceh pa; tơnguh bơtàu 10 anih lơh sa kă bro mu\t lơh broă tam gơl pa bơceh pa; bơto bơh 20 tus 25 nă cau bơto mu\t lơh broă; bơyai lơh ngai chờ mu\t lơh broă pah nam mờ 100 anih lơh sa kă bro tus bal; hòi jà bơcri priă ai ală rơndăp broă mờ khà 5 tơmàn priă.

Bơh tu\ hơ\ geh dong kờl ai ală cau, mpồl cau geh rơndăp broă mu\t lơh broă, anih lơh sa kă bro mu\t lơh broă geh tơl pràn tơnguh mhar ai bơh tàm broă lơh phan bơna ngăc ngar, công nghệ, broă kă bro pa; bơyai lơh ai broă lơh drơng ơla, phan bơna, broă lơh, bơcri priă lam sồr ai mu\t lơh broă tam gơl pa bơceh pa lơh broă geh cồng nha in.

Cau cih mờ yal tơng^t Ndong Brawl