VOV4.K’ho- UBND càr Lâm Đồng pa geh broă rơndăp lơh lam lơh jat broă lơh rơcang phan, prăp phan kă bro mờ ală broă lơh kơ\ kơl jăp drà kă bro ală bơta phan pal geh drơng jơnau kờ` ngui sa tàm dơ\ sa tềp bơhiàn Kỷ Hợi nam 2019 tàm ù tiah càr dê.

Jat mờ hơ\, phan drơng jơnau kờ` pal geh tàm hơ\ geh 3 mpồl phan, mờ kờp jơh priă là 1.472 tơmàn, bè phan sa là 30 tơmàn; mpồl phan puăc ka dà hùc ală bơta là 1.140 tơmàn; mpồl phan sa ris là 302 tơmàn.

Ală bơta phan gàr kơ\ drà kă bro geh ală mpồl lơh sa kă bro tăc khà priă kơ\ kơl jăp tàm jơh ală tu\ tơngai gàr niam, lir sră cih mat tăc loh làng, mờ hơ tăc di khà priă halà lơyah rlau mờ khà priă cih mat. Tơngai jat sền kờp sền khà priă bơh tu\ do tus jơh nhai 2 nam 2019.

Cau mblàng Lơ Mu K’Yến