VOV4.K’ho – Dùl rơndap broă mùl màl bè lơh niam sră nggal neh geh UBND càr Lâm Đồng tơlik ai nam 2018 in, đơs tus 6 jơnau kờ` mùl màl ai broă lơh do in.

Càr sồr jơh ală sră nggal pơlam lơh jat adat boh lam bơh càr dê pal geh tơlik gàr niam di mờ adat boh lam, di mờ gơnoar broă. Jơh ală mat sră nggal bơh kơnă càr, kơnhoàl mờ xã pal geh yal, lơh tơl khà di tu\. Ală kơnă tàm càr pal mut lơh broă dờp sră nggal di mờ jơnau cih; bơsong di tu\ ală jơnau dan, jơnau đơs bơh làng bol dê.

Càr Lâm Đồng kung sồr ală anih lơh broă, mpồl lơh broă rơndap sap sèng công chức jat di mờ jơnau cih bơh gơnoar broă mờ ngạch công chức dê; lơh niam broă bơto bơtê kuang bàng.

Nam 2018, jơh ală xã, phường tàm càr Lâm Đồng ngui văn phòng điện tử; ală anih lơh broă mờng chài kơnă càr mờ mpồl lơh broă sră nggal kơnă kơnhoàl ngui măy mok atbồ bơta niam ISO. Ală mpồl lơh broă tơnguh cồng nha lơh broă bơh mpồl lơh broă 1 mpồng, tơmù dimơ bơta kal ke làng bol in; tu\ sră nggal neh jơh tơngai bơsong den pal dan să làng bol.