VOV4.K’ho- Ngai òr (07/06), Sở Y tế càr Lâm Đồng pà gĭt, anih lơh broă geh gơnoar pa gŏ dù nă cau lòt tam cah is tơrgùm bal ala cau neh rê bơh tiah gơtìp kòp.

 Càr Lâm Đồng lơh jăt broă yal gah lơh sơnơm bơh ală cau tus bơh tiah gơtìp kòp

Tơnơ̆ mờ tŭ gŏ geh broă tam ala cau tam cah is tơrgùm bal do, mpồl lơh broă geh gơnoar neh mhar ai ồng do tus tàm tiah tam cah is tơrgùm bal di jăt mờ kơrnoăt geh ai. Bal mờ hơ̆, bơtơl kơrnoăt ngui broă tam cah is tơrgùm bal gơwèt mờ cau tam cah is ala là ồng T.Đ.D.

Jăt Sở Y tế càr Lâm Đồng yal, broă lơh bè do neh tìs mờ kơrnoăt tàm broă sơndră mờ kòp Covid-19 mờ geh lơh glài nền nòn tơnơ̆ mờ tŭ neh lơh jăt jơh tơngai tam cah is 21 ngai. Kờp tus 6 jơ ngai òr (07/06), càr gam lơh jăt broă tam cah is 2 rơbô 490 nă cau. Bal mờ hơ̆, càr Lâm Đồng geh tai 215 phan xét nghiệm ai geh cồng nha ờ gŏ mờ virus Sars CoV-2.

Cau mblàng Ndong Brawl