VOV4.K’ho- Lam lơh uă ngan srơh pơrlòng kờ` gơboh dà lơgar tàm ală gah – hơ\ là jơnau sồr bơh Bí thư Tỉnh uỷ Lâm Đồng dê tàm Pơrjum bè broă lơh pơrlòng bơh càr dê.

Nam pa do, srơh pơrlòng kờ` gơboh dà lơgar tàm càr Lâm Đồng neh geh uă cồng nha niam ngan: priă lơh geh tơl nă cau  kờp bal la 54 tơlak 200 rbô pria\, ta\ dia tàm kes priă dà lơgar geh mờr 6 rơbô 500 tơmàn, geh tai 16 xã tơl khà [òn lơgar pa, tơnguh khà xã [òn lơgar pa bơh càr dê geh tus 76 xã.

 Jờng rơ ală cồng nha jak chài ngan mờ tă pơgồp ngan ngồn bơh srơh pơrlòng tàm bơta bơtàu tơnguh lơh sa bal bơh càr Lâm Đồng dê tàm nam pa do, Bí thư Tỉnh uỷ  ồng Nguyễn Xuân Tiến sồr ală kơnă, ală gah lơh broă, ală kơnhoàl, mpồl lơh broă bơt bơtàu broă lơh, rơndap broă lơh pơrlòng mùl màl, di mờ kơnòl broă, ngan ngồn, sền dờng màng tus ală srơh pơrlòng lơh broă lơh tờm ngan.

Mơkung, pơn jat tai tam gơl pa tơngume, tơnguh bơta niam pơn jờng, lơh nền ngan dră wơl mờ ală bơta ờ niam. Tàm dơ\ do, càr Lâm Đồng kung yal kơrnuat dờp broă lơh dong kờl dà lơgar 5 tơmàn priă ai kơnhoàl Bảo Lâm in, pà 50 tơlak priă ai 6 mpồl lơh broă jak chài lam lài tàm srơh pơrlòng kờ` gơboh dà lơgar nam 2017.

Cau cih mờ yal tơng^t K’ Hạnh