VOV4.K’ho - Ngai òr (03/05), UBND càr Lâm Đồng tơlĭk jơnau sồr jal mhar bè broă ơm ing broă lơh ờ uă broă drơng ala nàng lơh jăt nền nòn ală broă rơcang sơndră mờ kòp Covid-19.

Càr Lâm Đồng ơm ing ờ uă broă lơh drơng ala di gơlan gơtìp kòp Covid-19

Jăt mờ hơ̆, bơh 7 jơ mang ngai òr (03/05), geh ờ uă broă lơh drơng ala ờ geh kuơ bè hìu ñô sa, hìu đơs karaoke, hìu đơs crih tamya, hìu nhơl điện tử di gơlan gơtìp gơtờp uă kòp Covid-19 tàm càr Lâm Đồng den tàng pal ơm ing lơh broă. Gơwèt mờ ală hìu lơh sa kă bro drơng ala ndai geh ai lơh broă, UBND càr Lâm Đồng sồr pal lơh jăt tơl ală broă rơcang sơndră mờ kòp gơtờp.

Mìng is cau năc nhơl chờ, UBND càr Lâm Đồng sồr Kuang àng càr đơng lam, pơgồp bal mờ mpồl lơh broă gơrềng bal tơnguh broă sền gròi, gĭt ală cau năc tus pah ngai tàm ală hìu năc ơm, di tŭ gŏ ală cau tìp rềp mờ cau kòp Covid-19 di lah geh nàng lơh jăt ală broă tam cah is di jăt mờ kơrnoăt geh ai.

Cau mblàng Ndong Brawl