VOV4.K’ho - Tơnơ\ mờ tu\ pơrlòng jơh bơsram kỳ 2, ală hìu bơsram cấp 3 tàm càr Lâm Đồng sơn đờm tơnguh broă bơsram wơl ai kơnòm bơsram ơdu\ 12 in. Geh pơgru bơto tàm broă bơsram sră, rơcang niam nùs nhơm geh dong kờl ală kơnòm bơsram pin dờn rơlao tu\ dơ\ pơrlòng gam mờr tus.

Nam do, hìu bơsram cấp 3 Dân tộc nội trú càr Lâm Đồng geh 136 nă kơnòm bơsram ơdu\ 12 geh pơrlòng jơh bơsram cấp 3 dà lơgar.

Kờ` kơnòm bơsram geh cồng nha niam tàm broă pơrlòng, hìu bơsram neh chồl pràn broă bơsram wơl ai kơnòm bơsram in mờ broă mblàng jơnau, ai kơnòm bơsram lơh ală jơnau bơsram gơguh jăk uă.

Oh Cil K’ Phang, bơsram ơdu\ 12E, hìu bơsram Dân tộc nội trú cấp 3 càr Lâm Đồng pà g^t, tàm tơngai bơsram wơl, ală oh geh bơsram tai bè bơta jăk chài cih, broă cih jơnau, broă lơh măi vi tính kờ` gơtùi lơh niam jơh jơnau pơrlòng cih mờ trắc nghiệm.

-Bơh tơngu me pơrlòng lài, oh kung wă dùl bơnah lơi jơnau pơrlòng, kơ` bol oh bơsram wơl nền nòn rơlao. Bol a` bơsram geh să tòm in nùs nhơm pin dờn, mờ tam pà tơngai di pal lơh ală jơnau [uơn lài, gam jơnau kal ke lời tơnơ\.

Kờ` kơrian bơta ờ niam tàm dơ\ pơrlòng do, Bộ GD mờ ĐT neh ai tơl^k uă broă lơh niam wơl bè: crăp camera sền gròi, jào ală hìu bơsram đại học đơng lam.

Jăt oh Ma Thị Hà, bơsram ơdu\ 12B, hìu bơsram Dân tộc nôi trú cấp 3 càr Lâm Đồng yal, kơrnoăt do dong kờl oh iang nùs rơlao, tài broă di gơlan gơbàn pơrlồm tàm dơ\ pơrlòng geh gơmù ờ uă ngan:

-Nam lài do, tàm càr Hà Giang geh broă pơrlồm tàm pơrlòng, den tàng oh go\ jơnau yal pa ngan bơh Bộ GD mờ ĐT là ndrờm bal ngan tus mờ ală kơnòm bơsram. Tu\ mờ ai khà pơrlòng ngui camera sền gròi jơh 24 jơ, broă sền pơrlòng nền nòn ngan.

Ndrờm bal mờ hơ\ sơl, broă dong kờl kơnòm bơsram bơsram wơl jơnau pơrlòng jơh bơsram cấp 3 dà lơgar tàm hìu bơsram cấp 3 Đức Trọng, kơnhoàl Đức Trọng kung gam geh bơyai lơh nền nòn ngan sơl.

Jăt pơgru Hoàng Văn Bắc, Phó kuang atbồ hìu bơsram yal, tơnơ\ mờ tu\ geh cồng nha bè broă rơwah jơnau kơ\p kờ` bơh kơnòm bơsram dê, hìu bơsram neh bơyai lơh rơndăp săp sèng ală ơdu\ in bơsram wơl jơnau pơrlòng, pơrlòng tơlòng kờ` ală kơnòm bơsram lơh kuèng mờ broă lơh jơnau pơrlòng jơh bơsram cấp 3.

Tu\ do, hìu bơsram gam lơh ngan ai ală kơnòm bơsram, bơsram wơl ală jơnau tòm ngan mờ gơguh jăk geh ai bơh broă rơwah jơnau pơrlòng khao học tự nhiên ha là khoa học xã hội.

-Bơdìh mờ broă bơsram wơl jơnau pơrlòng jơh, hìu bơsram kung neh bơyai lơh pờ dùl ơdu\ bơto wơl tai ai ală kơnòm bơsram, bơsram ờ jăk in.

Di lah môn lơi geh 5 nă kơnòm bơsram rơlao hờ đang den bơsram tơrgùm bal, gam ală môn mờ ală kơnòm bơsram dan cih măt hờ đơm 5 nă den hìu bơsram ai ală mpồl atbồ môn bơsram in jào mờ ală cau pơgru atbồ ơdu\, cau pơgru bơto is môn ală kơnòm bơsram in.

Kờ` ală kơnòm bơsram g^t bè broă pơrlòng, kung bè broă lơh jơnau pơrlòng geh cồng nha niam ngan.

Mò Phạm Thị Hồng Hải, Kuang atbồ Sở GD mờ ĐT càr Lâm Đồng pà g^t, dơ\ pơrlòng jơh bơsram cấp 3 dà lơgar nam 2019, broă rơwah jơh bơsram cấp 3 geh broă tam gơl, tàm hơ\ geh ai lài điểm pơrlòng là 7 bơnah, điểm bơsram là 3 bơnah.

Den tàng, tơngai do, uă hìu bơsram cấp 3 tàm càr Lâm Đồng gam lơh ngan ai kơnòm bơsram in bơsram wơl kờ` geh cồng nha uă ngan.

-Bol a` neh crơng gơs ală mpồl kuang bàng tus ală hìu bơsram lơh broă mờ ală mpồl cau pơgru bơto tòm kờ` pơlam, ai gùng dà broă lơh ai ală hìu bơsram, bơto wơl kơnòm bơsram in.

Tài cồng nha pơrlòng bơh ală oh geh nùs nhơm tòm ngan, den tàng bơta niam bơsram sră bơh ală oh pal geh chồl pràn lài ngan. Ờ gơtùi bơsram wơl jăt broă lơh sơndră mờ bơta ờ geh điểm ha là bơsram kờ` di, bơsram ờ di mờ ờ gơtùi tơnguh is điểm bơh ală kơnòm bơsram gơguh is.

Cau mblàng Ndong Brawl