VOV4.K’ho - Mho òr (02/08), Tỉnh ủy Lâm Đồng neh tơlĭk Chỉ thị bè broă tơnguh broă rơcang sơndră mờ kòp Covid-19 tàm càr do. Tàm hơ̆, sồr làng bol bañ lĭk bơdìh hìu mờ ờ hoan lòt rê mờ rơndeh tơnơ̆ mờ 9 jơ mang ngai lài tus 5 jơ drim ngai tơnơ̆, bơdìh mờ ală broă kờñ jal mhar bè ồs sa, sơm kòp mờ broă kuơ màng ndai. Chỉ thị do geh ngui lơh jăt bơh ngai 04 nhai 8.

                Càr Lâm Đồng tơlĭk Chỉ thị kơryan ờ ai làng bol lĭk lòt tàm gùng tơnơ̆ mờ 9 jơ mang

Mờ gùng dà là “Rơcang sơndră nền nòn, sò tơm pràn kơl dang”, nàng kơrian, bañ lời kòp gơtờp tàm uă tiah, chỉ thị cih loh, Ban Thường vụ Tỉnh ủy sồr ală mpồl lơh broă tàm càr pal tơrgùm uă ngan bơta pràn, tơngai, ai lài bơta pràn broă rơcang sơndră mờ kòp gơtờp. Bañ kơ̆p gơn, gơn kơnờm, dờp is kơnòl tàm mpồl ù tiah, cau atbồ, bañ lơh roh bơta pràn gròi sền kòp. Tơngu me geh ai là rơcang sơndră geh cồng nha, geh sùm, ring niam broă lơh sa, kă bro nàng geh bơta pràn rơcang sơndră mờ kòp mờ drơng làng bol in.

Cau mblàng Ndong Brawl