VOV4.K’ho - UBND càr Lâm Đồng tơlĭk rơndăp broă lơh jăt Nhai lơh broă tài kơnòm dềt nam 2021 mờ tơngu me: Tus bal lơh niam gơnoar kơnòm dềt, sền gàr kơnòm dềt tàm rềs àr, kòp gơtờp, tơngai bơyai lơh nhai lơh broă geh bơh ngai 1 nhai 6 tus ngai 30 nhai 6 nam 2021.

Jăt mờ hơ̆, UBND càr Lâm Đồng sồr ală sở, gah lơh broă, mpồl lơh broă tàm càr, ală tiah ai bơh tơngu me rơndăp broă lơh bal mờ bơta mùl màl bơh kòp Covid-19 nàng bơyai lơh ală broă lơh di pal, mờ lam sồr ală tơngu me sền gàr mờ drơng gàr kơnòm dềt đơs bal mờ broă sơndră mờ bơta sơgràm aniai kơnòm dềt, sơndră mờ rềs àr chơ̆t jê, rềs àr bŭ dà kơnòm dềt. Tơnguh broă lam sồr, bơto bơtê, geh jơnau ngăc ngar kis ai kơnòm dềt in, tàm hơ̆ uă ngan là bơta ngăc ngar tàm broă sơndră mờ bơta sơgràm aniai tàm tiah kis internet; bơta ngăc ngar tàm broă sơndră mờ rềs àr chơ̆t jê, rềs àr bŭ dà, bơta ngăc ngar sền gàr să tờm tềng đăp mờ bơta kòp Covid-19 tŭ do.

Cau mblàng Ndong Brawl