VOV4.K’ho- Tơnơ̆ tŭ klo yal uă tiah lơh thoàr broă ơm yah ngài, làng bol ală càr gam lơh broă, lơh sa tàm càr Bình Dương neh cèng phan bơna nàng rê wơl hờ ƀòn tờm. Bulah bè hơ̆, kuang đơng lam bồ càr Bình Dương pà git, tŭ do kung gam ờ hềt ai gơnoar làng bol khat gơboh lòt rê tus ală càr. Bè broă lòt rê bơh làng bol dê, kuang đơng lam bồ càr Bình Dương pà git, càr ờ hềt ai gơnoar lòt rê khat gơboh lik bơh càr.

Gơwèt mờ cau kra, kơnòm dềt, cau ùr geh bun, cau kal ke geh dong kờl ai rê hờ ƀòn tờm mơya pal geh bơta pơgồp bal đah 2 tiah mờ lơh jat di jơnau sồr bè rơcang sơndră kòp Covid-19. Ai gơwèt mờ broă lòt rê tàm tiah ờ geh kòp, mìng ală cau neh geh cit êt ngan rlau jơh 1 ding sơnơm vaccine tơnơ̆ 14 ngai, cau F0 bời kòp jơh tơngai tam cah is tàm hìu geh gơnoar lik lòt tàm gùng; tơrmù tus khà lơyah ngan rlau jơh bơta cau kra, cau geh kòp tàm să mờ kơnòm dềt lòt rê. Gơwèt mờ cau lơh broă den pal geh sră dờp geh ngan lòt lơh broă.

Cau mblàng K’Duẩn