VOV4.K’ho- Cau bơtờp jơi tam gơl să Omicron sơn rờp tàm lơgar Việt Nam neh geh git gŏ tàm lơgar he. Jơnau tơnggit do geh anih gròi sền kòp bơtờp lơgar Việt Nam yal ing bơh Hìu sơnơm Ling klàng dà lơgar 108 yal mờ Ƀộ Y tế in. Ngai 19/12/2021, Hìu sơnơm Ling klàng dà lơgar 108 dờp 1 nă cau là nac đì tàm rơndeh par QH9028 bơh lơgar Anh rê hờ Việt Nam. Test tàm ƀlàng rơndeh par ai cồng nha bơtờp mờ virus Sars KoV-2.

Mờ bơta gơ rềng bơtờp kòp bơh cau kòp dê là nac rê bơh lơgar Anh, ngai 20/12/2021, Hìu sơnơm neh mblàng sền git rơndap sèng gene Sars KoV-2 tàm cau kòp do mờ broă lơh pa, cồng nha pin bơtờp jơi tam gơl să Omicron. Do là cau bơtờp jơi tam gơl să Omicron sơn rờp geh git gŏ tàm lơgar Việt Nam, là cau mut bơh lơgar ndai neh geh tam cah is di tŭ mơ tơnơ̆ tŭ mut tàm lơgar he. Ƀộ Y tế pà git, gam pơn jat tai gròi sền nền nòn broă gơlik geh bơh kòp Kovid-19 dê đơs bal mờ jơnau pơhìn bơtờp jơi tam gơl să Omicron đơs is. Mờ kung sồr làng bol lơh jat ală broă lơh rơcang sơndră kòp Kovid-19 mờ cit sơnơm vaccine wil tơl.

Cau mblàng K’Duẩn