VOV4.K’ho- Bơh ngai 01/07/2001, jơnau đơs mờ dà kòn cau K’ho geh ngan ngồn pờ tơlik tàm Anih jơnau đơs Việt Nam tàm Tây Nguyên.

17 nam do, jơnau đơs do geh uă ngan làng bol iat mờ kờ` mờ geh sơl ală jơnau đơs tă pơgồp kuơmàng ngan, dong ală cau lơh gơs jơnau đơs dà kòn cau K’ho sơlơ geh tai bơta pràn nàng lơh ngan lơh niam rlau tai broă lơh yal ală gùng dà broă lơh bơh Đảng, kơrnoat boh lam Dà lơgar dê ai làng bol in.

Nam

Ồng Lơ Mu Ha Thiêng, ơm tàm thôn 1, xã Lộc Phú, kơnhoàl Bảo Lâm, càr Lâm Đồng yal, ồng kah jơh tu\ jiơ pờ tơlik jơnau đơs mờ dà kòn cau K’ho bơh Anih lơh broă Anih jơnau đơs Việt Nam dê tàm Tây Nguyên.

Bal mờ broă iat bơnah yal tơngi\t jơnau gơlik geh pah ngai tàm lơgar mờ dunia, den ồng kờ` ngan iat là ală dơ\ pờ tơlik jơnau đơs pơnđick, yal yau kòn cau dê. Đềt mềr ngan iat rơdio, dùl phan rềp mềl ngan pah ngai, ồng Lơ Mu Ha Thiêng, pà gi\t:

“A` kờ` ngan iat bơnah yal tơngi\t jơnau gơlik geh pah ngai tàm lơgar mờ dunia, dơ\ bàr tai là jơnau đơs pơnđick bơh kòn cau he dê, kơ\p kờ` jơnau đơs lời uă tu\ jiơ rlau tai ai jơnau do in, ngan là tàm ngai rlô.

Bơdìh mờ bơnah yal tơngi\t jơnau gơlik geh pah ngai tàm lơgar mờ dunia, jơnau lòt bal mờ cau lơh broă sa, den kung pal lời uă tu\ jiơ rlau tai ai jơnau niam chài in, pờ tơlik uă jơnau đơs pơnđick, mờ sền jơnau yal yau.

Pờ tơlik jơnau niam chài kòn cau he dê, bè tòng bơr, đơs tam pơt, đơs tam pơ\t den pal đơs jơh jơnau, mờ ờ go\ di là mìng đơs dùl gơl lơm gời, kuơmàng là jơnau đơs tam pơ\t bơh cau Mạ dê…A` kơ\p kờ` Anih jơnau đơs Việt Nam jòi uă jơnau yal yau bơh cau Mạ dê nàng pờ tơlik”.

Ai gơ wèt mờ ồng Liêng Hót Ha Siêng, ơm tàm thôn Srê Đăng, xã N’Thol Hạ, kơnhoàl Đức Trọng, càr Lâm Đồng den jơnau đơs pờ tơlik mờ dà kòn cau K’ho neh dong ồng gi\t wa\ tai uă jơnau gi\t wa\ tàm broă sơngka sền gàr chi tam, bơta chài sền gàr pràn kơldang să jan, yal tơngi\t jơnau gơlik geh pah ngai tàm lơgar mờ dunia mờ ngan là bè ală jơi bơtiàn kòn cau oh mi tàm ală jơi bơtiàn kòn cau Việt Nam dê. Ồng Liêng Hót Ha Siêng, đơs:

Nam

            Ai gơ wèt mờ mò Lơ Mu K’Jai ơm tàm thôn Srê Đăng sơl, xã N’Thol Hạ, kơnhoàl Đức Trọng, càr Lâm Đồng den ờ gơtùi mpồn geh bơta chờ hờp tu\ nisơna geh tìp mat mờ ală cau lơh gơs jơnau đơs dà kòn cau K’ho tàm [òn lơgar he dê tơn. Mò Lơ Mu K’Jai đơs:

“Kờ` ngan, a` iat mờ wờng jơnau đơs dà kòn cau K’ho bơh Anih jơnau đơs Việt Nam dê, iat kờ` ngan, ngan là bơnah yal tơngi\t jơnau gơlik geh pah ngai tàm lơgar mờ dunia, jơnau tòng bơr, sền jơnau yal yau, bơto pơlam tàm broă lơh sa”.

Jơnau kuơmàng là làng bol kòn cau Mạ tàm ală tiah gùt dar bơh càr Lâm Đồng kung gơtùi iat mờ wa\ sơl tơngume jơnau đơs pờ tơlik mờ dà kòn cau K’ho bơh Anih jơnau đơs Việt Nam dê.

Nam

Tu\ do, bơh Anih jơnau đơs Việt Nam, a` kơ\p kờ` Đảng, Dà lơgar pờ tơlik jơnau đơs mờ dà kòn cau Mạ nàng rơnàng kơnòm să in [ươn gi\t mờ wa\ tơngume mblàng yal gùng dà broă lơh bơh Đảng, kơrnoat boh lam Dà lơgar dê.

 Kơ\p kờ` ngan Anih jơnau đơs Việt Nam pờ uă jơnau yal yau, đơs pơnđick, hala dròng cing, ja` sơngơr bơh kòn cau he dê, kuơmàng là jơnau pơnđick nàng bơto yal wơl ai oh kòn kòn sau in”.

Jơnau đơs pờ tơlik mờ dà kòn cau K’ho bơh Anih jơnau đơs Việt Nam dê geh pờ bơh ngai 01/07/2001, tus tu\ do di tòm 17 nam. Ală nùs nhơm bơh gơ\p bơyô iat rơdio tàm [òn rềp [òn ngai dê sơlơ dong bol a` là ală cau mblàng, mờ đơs dà kòn cau sơlơ lơh ngan lùp bơsram, kờ` gi\t wa\ jrô tai dà đơs, nàng jơnau đơs ngai sơlơ niam iat lơh cau in kờ`, rềp mềl mờ làng bol.

Bi K’Brọp, Phó Kuang atbồ Phòng Jơnau đơs kòn cau bơh Anih jơnau đơs Việt Nam tàm Tây Nguyên mơkung là cau lam bồ mpồl cau đơs dà kòn cau K’ho, geh jơnau đơs bè do:

Nam

Hơ\ kung là ală jơnau pơndờm pơnđiang nàng bol a` lơh ngan rlau tai, mblàng gơ in [ươn wa\, đơs gơ in [ươn gi\t mờ rềp mềl rlau tai mờ làng bol, pơgồp bơnah sền gàr bơhiàn niam chài ờs mờng bơh yau kòn cau dê mờ jơnau đơs dà kòn cau K’ho dê.

Ală oh mi lơh gơs jơnau đơs dà kòn cau K’ho geh lơh ngan uă rlau tai  nàng jơnau đơs do ngan ngồn gơ gơs là cau bơyô lòt bal pin dờn bơh bơyô iat rơdio là làng bol kòn cau K’ho bol he dê”.

Cau mblàng Lơ Mu K’Yến