VOV4.K’ho - Mpồl cau ka\ bro kơnòm  sa\ càr Dak Lak pa bơyai lơh pơrjum dơ\ 6, tơngai lơh broa\  2018-2021. Mpồl cau ka\ bro kơnòm sa\ càr Dak Lak  tu\ do geh 50  na\ cau tàm mpồl la ala\ cau tờm mpồl lơh sa ka\ bro tàm càr.

Tàm tơngai lài, mpồl neh bơyai lơh ờ ua\ broa\ lơh  nền nòn, go\ loh ngan gơ hòi gal ngan cau ka\ bro, mpồl lơh sa ka\ bro tus bal: bè broa\ lơh attê bal lơh hìu bơta nđac, broa\ lơh lòt bal mờ chờ sa tềp  ai cau rbah in, pah nam rê tus mờ làng bol tiah sar lơgar ngài, tiah ua\ ngan kal ke. Bơh  hơ\ neh lam sồr geh mờr 1 tơmàn pria\  bơyai lơh ala\ broa\ lơh mpồl bơtìan mờ dong kờl lơh 6 nơm hìu ai ala\ cau rbah kal ke. Broa\ lơh bơt bơtàu mpồl, bơtàu tơngguh cau tàm mpồl, tơngguh bơta pràn cau tàm mpồl  geh sền kuơ.

Mpồl neh lam sồr cau tàm mpồl tus bal ala\ khà jờng, bơyai lơh ua\ dơ\  ai lòt bơsram,  bơto pơlam bè bơta chài  atbồ mpồl lơh sa ka\ bro, dong kờl adat boh lam bè ta\ dia tus mpồl lơh sa ka\ bro. Tus tu\ do, neh geh 2 mpồl lơh sa ka\ bro tàm mpồl geh  dờp khà jờng Sao Đỏ, 1 na\ cau tàm mpồl  dờp khà jờng cau ka\ bro kơnòm sa\ jak chài ngan.

                        Cau mblàng K’ Brọp