VOV4.K’ho- Xã Lộc Nam, kơnhoàl Bảo Lâm, càr Lâm Đồng geh 3.200 hìu bơnhă, tàm hơ\ geh khà cau làng bol kòn cau tus 30%.

                      Ală nam do, kơnờm lam lơh mờ lơh jat geh cồng nha srơh jơh gùt làng bol sền gàr lơngăp lơngai dà lơgar, jơnau tung kơ`au phan, lơh roh bơta lơngăp lơngai tàm [òn lơgar neh geh kơryan uă ngan, ală mpồl cau blơ\ mu\t tàm bơrlu\ bal nàng tung kơ`au phan mờ tus bal mus chi kơ`au tàm ù tiah xã Lộc Nam neh ngai sơlơ geh kơryan niam ngan, cèng wơl rài kis ring lơngai ai làng bol in.

                      Cồng nha do lơh geh là kơnờm bơh bơta tă pơgồp jơh nùs ngan bơh ồng Phan Nguyên Cừ dê, ồng là Kuang atbồ Kuang àng xã Lộc Nam, kơnhoàl Bảo Lâm, càr Lâm Đồng. Ồng Cừ sùm jơh nùs jơh tồr ngan mờ broă lơh, lam lài tàm broă dong broă, hòi jà làng bol yal yă cau lơh tìs mờ tus bal bơ\t bơtàu mpồl cau kuơmàng tàm [òn lơgar.

Mờ rlau 10 nam lơh broă tàm gơnoar broă Kuang atbồ Kuang àng xã Lộc Nam, kơnhoàl Bảo Lâm, càr Lâm Đồng dê, ồng Phan Nguyên Cừ sùm lam lài tàm nùs nhơm lơh broă geh kơnòl ngan, jơh nùs jơh tồr mờ broă lơh, bal mờ Mpồl Kuang àng xã jơh nùs ngan lam lơh mờ lơh jat geh cồng nha srơh jơh gùt làng bol sền gàr lơngăp lơngai dà lơgar, rơcang lài sền go\, ku\p geh uă cau lơh tìs kơrnoat boh lam mờ lơh roh bơta lơngăp lơngai tàm [òn lơgar.

Kơnờm bơh hơ\ mờ bơh nam 2012 tus tu\ do, xã Lộc Nam, kơnhoàl Bảo Lâm, càr Lâm Đồng dê ờ gam geh tai ală dơ\ lơh tìs dờng mờ ală dơ\ lơh tìs kal ke, uă ngan ală dơ\ broă ndrờm geh lùp khàu lơh loh.

Ờ mìng geh ală oh mi, cau lơh broă bal tàm anih lơh broă pin dờn, sền ki ngàm tài bơh nùs nhơm tơryang tơryồng ngan mờ nùs nhơm lơh broă jơh nùs ngan, ồng Phan Nguyên Cừ gam là dùl krơh àng bè nùs nhơm bồ tơngoh, rài kis pơndềt să ngan, rềp mềl mờ làng bol [òn lơgar.

Jat ồng Vũ Đình Thanh, ơm tàm xã Lộc Nam, kơnhoàl Bảo Lâm yal, ngan jơnau do là jơnau gơlam tus ală cồng nha niam ngan tàm broă lơh, gàr niam bơta lơngăp lơngai rơndăp tăp sèng tàm [òn lơgar, cèng wơl rài kis ring lơngai ai làng bol in.

 “Tàm ală nam pa do, mpồl kuang àng bơh xã dê neh geh lơh kơ\ kơl jăp mờ bơtàu tơnguh. Mpồl kuang àng xã neh lơh gơs jak kơnòl broă he dê tu\ sùm sền gàr kơ\ geh bơta lơngăp lơngai chính trị tàm tiah do, gàr niam geh bơta rơndăp tăp sèng gùt mpồl bơtiàn, ờ go\ geh jơnau ờ niam dờng gơlik geh tàm tiah do”.

Gi\t wa\ loh kơnòl broă bơh să tờm mờ broă lơh mờ he geh jàu kơnòl lơh, ồng Phan Nguyên Cừ sùm lùp sền, gi\t loh làng broă gơlik geh tàm tơl tiah làng bol ơm kis, di tu\ yal mờ Đảng ủy xã dan geh ală tơngume broă lơh di mờ bơta geh ngan, dong gơnoar atbồ xã geh broă rơndăp lơh, lam lơh ală gùng dà broă lơh sền gàr niam bơta lơngăp lơngai mờ rơndăp tăp sèng ờdo ờdă gùt mpồl bơtiàn.

Ồng Phan Nguyên Cừ pà gi\t, nàng lơh niam kơnòl broă bơh he dê, ală broă lơh pơrjum bơyai, cribơyai tàm ală mpồl làng bol, mpồl atbồ is ndrờm pal jơh nùs tus bal nàng gi\t loh ală jơnau kơlôi sơnơng bơta kơ\p kờ` bơh làng bol dê, bơh hơ\ di tu\ yal wơl mờ kuang đơng lam bồ kấp hơđang ală broă pơneh nàng gờ` geh gùng dà bơsong.

Geh bè hơ\ den làng bol hơ\ sồng pin dờn mờ tus bal jơh nùs yal yă cau lơh tìs, sền gàr lơngăp lơngai dà lơgar, sền gàr lơngăp lơngai chính trị mờ rơndăp tăp sèng ờdo ờdă gùt mpồl bơtiàn tàm tiah he dê.

 “Jơh ală anih lơh broă chính trị lơh bal den hơ\ sồng sền gàr geh bơta lơngăp lơngai rơndăp tăp sèng ờdo ờdă gùt mpồl bơtiàn tàm [òn lơgar, den tàng bè hơ\, broă gàr bơta lơngăp lơngai chính trị là kờ` pal geh bơta sền go\ mờ iat kơno bơh làng bol [òn lơgar dê.

Dilah tu\ neh geh làng bol dùl nùs bal den bol he hơ\ sồng lơh gơtùi, mờ dilah mìng is mpồl kuang àng lơm lơh den đơs ngan là lơh ờ jai. Ngan den tàng bè hơ\ mờ a` yal mờ Đảng ủy, Ủy ban Nhân dân xã dan crơng gơs ală mpồl atbồ is tàm thôn, [òn”.

Ồng Nguyễn Văn Hoàn, Bí thư Đảng ủy xã Lộc Nam pà gi\t, kơnờm lơh broă jơh nùs mờ geh cồng nha bơh mpồl kuang àng xã dê tàm tu\ lơh kơnòl broă sền gàr lơngăp lơngai chính trị mờ rơndăp tăp sèng ờdo ờdă mpồl bơtiàn bơh xã dê, ală nam do, broă lơh tìs kơrnoat boh lam tàm xã Lộc Nam neh gơmù uă ngan, gi\t wa\ lơh jat kơrnoat boh lam bơh làng bol dê neh geh tơnguh rlau tai.

Pal sền ngac ngan là tàm ală nam rềp ndo, ală mpồl cau ờ niam ai càn priă sa priă cồng uă, ală cau mus chi brê, jòi phan kuơ tàm ù tìs mờ kơrnoat boh lam neh ngai sơlơ geh kơryan, pơgồp bơnah uă ngan tàm bơtàu tơnguh lơh sa- mpồl bơtiàn bơh xã Lộc Nam dê. Cồng nha do geh bơta tă pơgồp uă ngan bơh mpồl kuang àng xã Lộc Nam dê đơs bal mờ ồng Phan Nguyên Cừ dê đơs is.

 “Mờ mpồl kuang àng xã đơs bal mờ bi Phan Nguyên Cừ đơs is, den neh lơh niam broă dong broă ai Đảng ủy, Ủy ban in nàng lơh jat niam tơngume bè broă lơh sền gàr lơngăp lơngai rơndăp tăp sèng ờdo ờdă tàm [òn lơgar, mơkung lơh niam broă pơgồp bal đah mặt trận dà lơgar mờ ală mpồl cau tàm tu\ mblàng yal, hòi jà tus bal ală srơh sền gàr lơngăp lơngai dà lơgar tàm [òn lơgar.

Mìng is bi Phan Nguyên Cừ den geh uă bơta mờng chài pal sền kuơ ngan, dong ai Đảng ủy, Ủy ban in tàm broă dong broă tàm gah sền gàr lơngăp lơngai rơndăp tăp sèng ờdo ờdă, pơn yơu bè tàm nam 2017 pa do, bi Phan Nguyên Cừ neh pơgồp bal mờ ală anih lơh broă geh gơnoar, ngan là mờ kuang àng kơnhoàl Bảo Lâm jòi bàn mờ ku\p kơryan geh bàr pe mpồl cau lơh tìs tàm do”.

Cih dờp ală lơh ngan tă pơgồp bơh ồng Phan Nguyên Cừ dê, bơh nam 2010 tus tu\ do, ồng Cừ neh dờp geh uă ngan sră jờng rơ bơh gơnoar atbồ ală kấp bơh kơnhoàl tus càr dê bè lơh broă jak ngan tàm srơh sền gàr lơngăp lơngai dà lơgar.

Mờ pa do ngan là ồng Phan Nguyên Cừ neh chờ hờp geh Bộ trưởng Bộ Kuang àng pà Bằng khen geh broă lơh jak ngan tàm 10 nam bơ\t bơtàu, rề ơnàng lơh uă broă lơh pơnrơ jak tàm srơh jơh gùt làng bol sền gàr lơngăp lơngai dà lơgar tơngai bơh nam 2006 – 2016!

Cau mblàng Lơ Mu K’Yến