VOV4.K’ho- Lơh jat srơh tàm pơrlòng “ Mpồl ling at tê bal bơt bơtàu [òn lơgar pa”, pa do, g^t nđờ rơhiang nă kuang bàng, cau ling trung đoàn 48, Sư đoàn 320, Quân đoàn 3 neh dong làng bol [òn Hek, xã Chư A Thai, kơnhoàl Phú Thiện, càr Gia Lai ntrờn hìu đam rê tàm [òn ơm kis pa, pơlam bơta chài ròng phan, lơh broă sa, dong làng bol rơhời tam gơl rài kis, pơgồp bơnah lơh niam bơta tam klăc bal ling klàng làng bol kơnhòal r[ah bơh càr Gia Lai dê.

Tàm hìu ơm pa mờ niam tàm [òn ơm pa, ùr bơklau bal mờ oh kòn bi Siu Pét, ơm tàm [òn Hek, xã Chư A Thai, kơnhoàl Phú Thiện, càr Gia Lai `\o\ chờ hờp ngan. Bi Pét yal là, ngai lài, tài [òn yau ơm tàm tiah lơyah, den tàng pah nhai mìu, gùng lòt tàm [òn ndrờm gơtìp ngơr bam jơh. Bơta do ờ mìng lơh kal ke pah tu\ lòt rê, mờ gam lơh gơbàn  kòp sốt rét mờ kòp sốt xuất huyết buơn ngan gơlik geh, aniai tus pràn kơl dang să jan làng bol tàm [òn.

Mơya, mờr gùl nam do, kờp bơh ngai geh cau ling Trung đoàn 48, Sư đoàn 320, Quân đoàn 3 dong kờl ntrờn hìu đam rê tàm [òn ơm pa jơnhoa rlau, ra` rơsơh rlau, rài kis hìu bơnhă bi Pét mờ g^t nđờ jơ\t làng bol tàm [òn Hek neh geh tam gơl jơh:

“ Lài do, làng bol tàm [òn kis tàm tiah yau, hìu bơnhă hăt hal ngan mờ sùh iò. Tu\ do geh mpồl ling dong kờl ntrờn hìu đam tus tiah ơm pa nàng buơn tàm broă ơm kis mờ lơh sa, geh tiah ơm kis niam rlau den làng bol chờ hờp uă ngan. Ưn ngài mpồl ling uă ngan.

Tài bơh kuèng mờ broă jòi is sa is, den lài do, làng bol [òn Hek mìng lòt tàm brê, tàm mìr pơ\\ [ăng halà pic nha bùm blàng nàng tru\ phan sa. Nàng dong làng bol tam gơl rài kis pah ngai, lơh niam wơl phan sào sa, mpồl ling Trung đoàn 48, Sư đoàn 320, Quân đoàn 3 neh pơgồp bal mờ Đoàn ơruh pơnu xã Chư A Thai pơlam làng bol lơh rơbòng dà  pơlam  mut tàm sre, lơh phơng tơlir mờ sih tam, sơng ka sền gàr biăp tơlir.

Trung uý Trần Trung Lý, Đại đội Trinh sát Trung đoàn 48, Sư đoàn 320, Quân đoàn 3 pà g^t, bơh broă mìng kuèng sa nha bùm blàng mờ [ăng, tu\ do phan sa mờ piang pah ngai bơh làng bol [òn Hek dê neh geh uă bơta biăp bè biăp sơbê, biăp lơ pươn, mồng tơi nàng tam gơl. Tu\ do tàm bă ù tam biăp tàm [òn Hek pa neh gơguh tus mờr 1 sào:

 Trồ tiah mờ bơta mrềt duh tàm xã Chư A Thai den kal ke ngan, tơngai duh mờ ù tiah ờ niam bè tàm ală tiah ndai, ù tàm bơrlu\ mờ bràs, gơ duh ngan den tam biăp kung kal ke ngan sơl. Pơlam làng bol là mìng tus tơl nă cau g^t broă tam biăp là mbè lơi, broă ơn phơng mbè lơi ai gơ in di pal. Bè phơng sih tàm do, làng bol ròng kơnrồ là uă ngan, cau ling kung neh pơlam ai làng bol in broă lơh phơng mbè lơi, ờ ngui è kơn rồ gam ris nàng ơn tơn tàm chi tam, mờ he pal jơm glòm ai gơ in ồm lề hơ\ sồng ơn chi tam in.

Cau ling Trung đoàn 48, Sư đoàn 320, Quân đoàn 3 dong làng bol [òn Hek ntrờn hìu đam.

{òn Hek, xã Chư A Thai, kơnhoàl Phú Thiện, tu\ do geh rlau 80 hìu bơnhă, mờ mờr 500  nă cau, là kòn cau Jrai lơm. Làng bol tàm [òn geh bơhìan lơh broă lơh sa mờ rài kis gam bơr ngơl ngan, tài bè hơ\, rài kis uă ngan kal ke. Nam do, tàm dơ\ lòt sền tàm ală [òn, kuang đơng lam Trung đoàn 48, Sư đoàn 320, Quân đoàn 3 neh đơng lam ală tiah mut lơh ntrờn 26 hìu bơnhă ơm tàm [òn yau rê ơm tàm [òn pa, pơlam bơta chài tam biăp, ròng sur, kơnrồ, nàng dong làng bol rơhời tam broă lơh sa. Kung bơh tềng  do, gùng lòt tàm [òn Hek, neh kloh niam.

Bi Rmah Hên, Chủ tịch Mpồl cau ùr [òn Hek, xã Chư A Thai pà g^t, kơnờm geh Trung đoàn 48 mờ làng bol tàm do ngai sơlơ gơguh jak tàm rài kis pah ngai mờ broă lơh sa, [òn Hek kung rơ hời tam gơl pa:

Ngai lài hìu bơnhă hat hal, cau klau mờ cau ùr sùm `ô sa, bơh ngai geh mpồl ling rê tàm [òn, den làng bol neh g^t kơlôi sơnơng tàm broă lơh sa rlau, g^t bơt bơtàu rài kis chài rơgơi, kloh niam, lơh sa bơtàu tơnguh. Tu\ do tàm [òn là niam bơne\ ngan

Jat ồng Rơ Lah La Ni, Chủ tịch UBND kơnhoàl Phú Thiện, ală broă lơh ngan ngồn mờ cau ling Trung đoàn 48, Sư đoàn 320, Quân đoàn 3 tàm [òn Hek ờ mìng dong làng bol tàm [òn bơt bơtàu [òn lơgar pa, mơ gam lơh niam tai rùp să niam bơne\ cau ling wa Hồ tàm kơnhoàl r[ah tàm càr Gia Lai dê:

 “Quân đoàn tus tơn tàm [òn pơgồp bal lơh broă hòi jà làng bol at tê bal tàm broă ntrờn mờ rơndap tap sèng wơl hìu bơnhă. Pơgồp bal mờ mpồl ling mờ ơruh pơnu tàm [òn, at tê bal ntrờn ală hìu đam, rơndap tap sèng wơl ală hìu bơnhă jat broă rơndap lơh. Kung kơnờm lơh niam broă lơh mblàng yal den bơta pơgồp bal bơh làng bol tàm do den làng bol jơh nùs ngan lơh jat mờ tus bal.

Cau mblàng K’ Hạnh